الشبكة العامة لقبائل الحويطات - المنبر الاعلامي و المرجع الرسمي المعتمد

- منتدى المنقولات الأدبية (https://www.alhowaitat.net/forumdisplay.php?f=19)

- - هذا الشعور وحط نفسك مكاني (https://www.alhowaitat.net/showthread.php?t=59536)

هذا الشعور وحط نفسك مكاني

كانك لقيته لك حبيب وحبيت ....... انا ترى بدّلت حبك بثاني

وكانك بدنياك الجديده تهنيت

...................... ترى الهنا يضوي عليّه زماني

وش لي بحبك وانت عني تخليت

...................... وتركتني من زود هجرك اعاني

اذا دعيتك للمحبه تغليت

...................... تومي براسك ولغرورك معاني

ياللي بحب الغير عني تلهيت

...................... ماجاني منّك ياحبيبي كفاني

منهو خذك مني وفيني تجنيت

...................... عطني سبب واضح وريّح كياني

ياما تحملتك كثير وتعنيت

...................... ما كنت أظن أنك جحود وأناني

والله ما كان العشم يوم اقفيت

...................... وخليتني في بحر ما له مواني

ابيك لا جار الزمان وتناسيت

...................... على الاقل اذكر بقايا حناني

ولحظه قضيناها بعشق وتناهيت

...................... وايام عشناها بحلو الاماني

وش غيّرك من عقب هذا وصديت

...................... ماني مصدق ان قلبك نساني

شفني مسحت دموع عيني وداريت

...................... والمستحيل اني ابرضى بهواني

لا تحسب إني لجل شخصك ترجيت

...................... لجل الهوى ودي أعيش الثواني

وان لمتني لا شلت حزني وغنيت

...................... هذا الشعور وحط نفسك مكاني