الشبكة العامة لقبائل الحويطات - المنبر الاعلامي و المرجع الرسمي المعتمد

- منتدى المنقولات الأدبية (https://www.alhowaitat.net/forumdisplay.php?f=19)

- - من ياخذ عيونى ويرقد بدالى ! (https://www.alhowaitat.net/showthread.php?t=59791)

من ياخذ عيونى ويرقد بدالى !

http://sfiles.d1g.com/photos/80/76/1967680_max.jpg

مع كل بيتٍ هزيل , يموت متذوّق
........... ومع كل طعنه عظيمه ينولد شاعر

توتر :

حبر العتب لو سـال فـي دفتـر اللـوم
............... يمديه جفّ ولا وصـل شخـص غالـي

دكت مجاهيم الجفـا مغـرب اليـوم
..................... وازريـت انـوّخ ركبهـا فـي خيـالـي

ياصاحبـي ! والحلـم مايبغـي نـجـوم
................ لولا القمر ..! وش كـان حـال الليالـي ؟

غصن اللقا مـ..عادت طيوره تحـوم
.................... وفصل الغياب يجفف اللـي بقـا لـي

الحزن ! عاري لو لبس ضحكـي هـدوم
.................... ويبان بـ..أطـراف السوالـف , مقالـي

قيض السهر يجلب معاصير وسموم
.................... ولا اشـوف الا خفـوقـي قبـالـي

انشـدك ! ليـه البعـد يحتاجنـا دوم !؟
................... ويمـوت بـعيـون الاجابـه , سؤالـي

علقت من شعري على صدرك وسوم
................... إليـن كـلٍ عـن وصوفـك حكـا لـي

واهديت لك قلبٍ قوي صبر وعـزوم
.................... واهديت لـي ريـحٍ تبعثـر رمالـي

ولو ماكتبت اللي بـ..صدري من هموم !
.................... ماكـان كـل عاشـق جريـحٍ قـرالـي

ليه أنتظر صبـحٍ غشـا وجهـه غيـوم
.................... وانـا . بعيـش الليـل كلـه لحـالـي

وماضنتي بلقـى بعـد غيبتـه ( نـوم )
.................... من ياخذ عيونـي , ويرقـد بدآلـي ..؟

دمعه :

دامك تظمّين الغياب بـ..حضورك ! .......................
أخذي ( بقايا فرحتـي ) واترررركينـي

http://sogya.freeoda.com/PIC7.jpg