الشبكة العامة لقبائل الحويطات - المنبر الاعلامي و المرجع الرسمي المعتمد

دعـوة المظلوم لابد تستجاب ؟؟؟

وش يقـول اللي ذبح طفله بــريئه
..............وش يقـول لخالقـه يـوم الحســاب
وش يكون من اي قـوم وأي بيـئه
..............وش يقول ليا انطلب منـه الجـواب
مــارأيتــه حطـــم قلــوبً بـريئــــه
.............. واسـتباح الصمـت واغتـال العتاب
القلــوب الخـيّـره اضحـت مـــليئـه
..............بـالغبــن والظيــم والـوان العــذاب
شوفوا اهل الحقد والنفس الدنـيئه
................كيف سّــوو ثـم تمــادوا بالخـراب
باعـوا الاوطـان والـــــذمّـه رديئــــه
............... والكـرامه عنـدهم صـارت سـراب
ومـا انبـى بالـزيـف بهتــان وخطيئـه
.............. والخـطا صعـب يتـواسى بالصـواب
لكــن اللـّه فــوقهـم راع المشـيئـه
..........ودعــوة المظلـــوم مــا دونـــه حجــاب
يُمهـل النفس الحقوده والمسـيئـه
............ ولاحشــــى كان ان يـهمـل بالعـقــاب

بقلمي ,,,,,,,