الشبكة العامة لقبائل الحويطات - المنبر الاعلامي و المرجع الرسمي المعتمد

الشاعر اللي له مكانه وجمهور
لا غاب عنهم اشهد انه يحق له

اما حلو شكله وكشخه ومغرور
ولى الدراهم غصب بيحط ثقله

على الضباب ومزنة الغيم والنور
واكثر مزايين الشوارع تدق له

ترى الاضاءه بالفوتشوب له دور
مؤثرات اعلام تنقله نقله

زحمة شوارع شاعر ٍ صار مشهور
ما فيه وزن وزن الا طرق له

شاعر رخام وشاعر ايعيش فقبور
وشاعر تحبّه الف مليون مقله

وشاعر يطقطق بالفتافيت والزور
وشاعر يحط الجن الازرق بشقله

( وشاعر نَورَ ) قد قيل يفحج على الكور
اطلق لسانه ويل منهو طلق له

اليا حضر تلقاه الاول على الفور
وان غاب ايّة عذر جا واختلق له

اوجيه مكياج وفقاقيع بلور
وغيره جزل والوقت سماه ( عقله )

حركاته اتأثر بغازي ومنصور
وتبقى العظام إلهم ويبقى المرق له

نوب ٍ غياب ونوب يثبت له احضور
ما يكتب لنفسه والاصبع يطق له

واسمع ترى مالي بهاللف والدور
اللي يعيش الوقت بيخفّ عقله