[frame="1 98"]مسـاكم الله بالخير نقدم لكم قصيده جديده (شط الغرام) للشاعر ندا ابــــــوتايه

في صوتها (بحه) وفي صوتها شـوق

وفي صوتها ذكرى الــزمان الحزينه

حسيت في صوته من الوجد مخنوق

كني احايل دمعها وســـــــط عينه

الى انحدر من مقدم العين من فوق

الكحل مع دمعه يســــــيل لجبينه

مثل المسايل يسقي الخد برفوق

لينه وصل هاك الشــــــفايف بحينه

قلبه من اللوعه بلا شك محروق

والدمعه اللي شفت دمـــعة حنينه

فيها الألم والياس والحزن مطبوق

وفيها صدى الماضي وذكرى اسنينه

ماحدن يلطف جو عاشق ومعشوق

ولحدن جمــــــــــع مابين هذا وبينه

متى على الله طلعت الشمس بشروق

وترسي على شــط الغرام السفينه

متى يصير الحلم واقع وموثوق

ومتى يصيرن ســـــــــود الايام زينه

ومتى نشوف بعارض المزن للبروق

وترزم رعودن للمـــــــــطر محترينه

لجل نسوق اقدامنا يمته سوق

وتصبح علاقتنا عـــــــــــلاقه متينه

الله وكيلك كلها عوق في عوق

الياس مقبل والامل قــــــــــــابرينه

مابه رجا مدفون في جوف صندوق

العظم بالي والعزا ماكليـــــــــــنه

واللي بقا (بحه) وهمسه ومنطوق

وذكرى صداها صمت ياعازفيــــنه ؟؟

[/frame]