الشبكة العامة لقبائل الحويطات - المنبر الاعلامي و المرجع الرسمي المعتمد

[frame="11 98"]
سميت باسم الله رب المخاليق
رب ٍرحوم ويغفر الذنب ياعيال

وشديت قافي في جميل الطواريق
في مجلس اللي للنواميس مدهال

ابن عميره والنشاما المطاليق
اهل الوفا والطيب ياخلفة ارجال

حويطات يوم الكون غرب ومشاريق
يردوا على الموت الحمر مابه جدال

افعالهم للمجد تبرى الشواهيق
اهل الطلب والعز من ماضي اجيال

تاريخهم معروف مابه تلافيق
ذباحتن للحيل كسابة الطال

واليوم جينا نطوي الخط ونويق
ماهمنا المشوار ولاهمنا مال

معنا بنات الريح معهن تواثيق
يلكد عليهن نادر الجيل خيال

فيهن يقود الخيل وفيهن زواريق
نبغى نتنومس فوق حلوات الافعال

نطلب من الله ياجماعه التوافيق
والفوز مطلب للنشاما ولا زال

وابن عميره شامخا كنه طويق
ولايهان اللي حضر حفل الابطال

مثل هل الساحل زعامه وتشويق
عز الخوي لاشك لو الزمن مال

[/frame]

الشاعر/ حابس بن زعل العطوي