الشبكة العامة لقبائل الحويطات - المنبر الاعلامي و المرجع الرسمي المعتمد - ي محلا المدواخ مع كاسة الشاي .. بمقهى حلو بين الجميرا وديرة

ي محلا المدواخ مع كاسة الشاي
بمقهى حلو بين الجميرا وديره

دوخة ايراني قبل تأشيرته جاي
يحلف عليها وانت عارف ضميره

من الزين خالطها ولا بلّها ابماي
تشخط بها كنها عذايب امنيره

وكنها فتك نيسان ع الخط سراي
يهدر هدر ويصكّها للفجيره

وتعطيك جو الناي يا عازف الناي
وتفصل معاك اضواء شبه الجزيره

وكانه اجميرا بيتش هو اخر الراي
قدام لنسى ما نبي جو غيره

جو المطر عندي ولا اجواء فرساي
وشلون لا هل المطر من بشيره

وشفني انا في شال هالصوف محلاي
ودي اشبّك حب واطفيك غيره

وقبل ٍ تحملني خطاياك واخطاي
انا اعتبرت ان الكبيره صغيره

ويا حظ لتحدني على آخر اقصاي
خلني كذا يمكن بهالامر خيره