معاك..
 

معاك ياحظي ليل العنا طال
شمسك متى تشرق تجلي ظلامه
سفينة احلامي وسط بحر الامال
تبحر عسى حظي يلاقي مرامه
مات صوتن ينادي لاتهاجر تعال
لين حزني صحى ونامت الابتسامه
الحقيقه وطن شعبها الامتثال
لكل علمن عليه من الحقيقه علامه
ثقافه النظره بعين وحده تطرح سؤال!
كيف بالكبر تجعل قدم عينك غمامه
ياصعب درب الظليمه بوجه درب العدال
واللي يحسب خطوته ما يلقى ندامه
العامل الذاتي بنفسية المحتال
انه من المحتالين يدور سلامه
احيان سوء الفهم سبب للأنفعال
احرص على التفكير لجل الملامه
واللي يخاوي للجنيه ولريال
ودك على وجهه توضع علامه
واللي يظن المرجله شماغ وعقال
قله عروقك بالثرى يعود الثمامه