|
قصيده للمطرفي وردي ورد الوابصي وردي .
قصيده للشاعر / مبارك المطرفي البلوي . اثناء زيارته للاردن لاجراء عمليه في عينيه وردي عليه ورد الشاعر محمد بن رخيه الوابصي وردي عليه . هذه قصيدة الشاعر /مبارك المطرفي : غابت عليّ الشمس ببلاد عمان ____________العين تدمع والظروف احكمني قضيت ليلي بين راضي وزعلان ____________مع قدرة الله والتفاكير جني الصبح رحنا يم دكتور الاعيان ____________قالو لي المخلوق دكتور فني عنده شهاده دارس العلم فهمان ____________مجربينه ناس لا تقول عني ومن العياده رحت في دور مليان ____________جوني اثنين وشالو الثوب مني وثنتين بيض يعالجن كل مرضان ____________ياليتهن باالوجه ويعالجني محتاج نظاره واعوّد كما كان ____________واضحك لهن لا شفتهن يضحكني لاهن طوال ولا قصيرات ومتان ____________علمي بهن يومنهن وادعني الساعه اربع حسب توقيت عمان ____________مجروح انا قدامهن واجرحني ردي على الشاعر / مبارك المطرفي : بيوت شعرك بالقوافي والاوزان ____________محكمه ياابوعلي واطربني مااسندتها لي مير طرق الخوي زان ____________وانا اعرفك شاعر قصيد وتغني لا باس من قلبي ولاهو من السان ____________لعيونك الليّ شوفهن قصرني من اول ٍ كان ٍ كما عيون سرحان ____________الذيب يقنب ليله و يسهرني والحمد لله جيت لهلك والاخوان ____________سالم ولا تعرضك شيعي وسني غير الحمام الليّ على خضر الاغصان ____________جر اللحون وقام قلبك يحني ذكر عليك أيام ووقوت وازمان ____________وقت ٍ مضى وسنين ما يرجعني وقت الهوى ما هو مثل وقتنا الآن ____________به ما رقص شيطان غاوي و جني وشوفك بنات السلط والغور ومعان ____________هيض شجونك والا انا ما كوني وصفك لزين اجسامهن مطرق الزان ____________تلع الرقاب الليّ دعنك توني مشفق على لاماهن بوسط الاوطان ____________بالوجه تتمناهن ويسكنني فيهن تولعت وغرامك لهن بان ____________واخشى عليهن يا مبارك اثني اسمع كلام اخوك لا صرت بلشان ____________من دون لا تبعد ولا يقربني اعشق هنا لوتقضي العمر هيمان ____________اتعب هنا لوانهن يتعبني رد عليّ الشاعر/ محمد ابن رخيه لوابصي بهذه القصيده. يا بوبجاد البيض ياما اشقن اعيان ____________وياابو بجاد البيض ياما رمني يا ما رمن شيوخ ورجال شجعان ____________وان صابت الاهداف ما يرحمني للمطرفي ماالوم لونه هوى انسان ____________يا ما جوارح ميته حركني وان مااتعبنك به من الناس تعبان ____________تهوى النظر وقلوبهم يرجفني وانته زرعت الزرع كله وقنعان ____________والزرع مثمر وانت جالس تغني كلاً يحب الزين والزين فتان ____________وش عاد فحمر خد والشعر بني والخشم مثل السيف والصدر مليان ____________والعنق عنق الريم لاعارضني واليا ابتسم ما كنها بيض الاسنان ____________عقد ٍ من اللولو بظنك وظني رويان جسمه تقل غرسه ببستان ____________من زايد الماء غصونها يدمعني وانا ترى مالي بهن يا كحيلان ____________موقع وثايق عهد ما اخونهني والشوفت المثلك وشرواك شفقان ____________وكل الوجيه الطيبه لا لفني نكرم ملافيهم ونذبح لهم ضان ____________همومي لا شفت الليّ نريده حثني ردي على الشاعر/ محمد بن رخيه . ترحيبة ٍ للزود عن كل نقصان ____________تعلو وترقى كل سلم ٍ وقني لآبن رخيه محمد آبن سليمان ____________شاعر ورد بيوته وهيضني تبع لنا بردود نظم ٍ بقيفان ____________انا ومبارك يوم شعره وصلني يبني وبنيه من على قو سيسان ____________مشاعره بالشعر ما يكذبني صدقت يا محمد وقولك ببرهان ____________ان العذارى سهومهن يطعنني من خلقت الدنيا الوسيعه لذلوان ____________ياما رمن وطعونهن ما برني صابن سلاطين وملوك ٍ وفرسان ____________صوابهن منه الرجال اشتكني هذا الهوى بوصوفه اشكال والوان ____________ابكى عيون ٍ عمرها ما بكني ماهو بمقصور ٍ على فلان وفلان ____________ماله قيود ولا عقود ابرمني بالعون ما يعرف طوايف ولا اديان ____________يدخل بيوت ابوابها مااطرقني ياما طرح حتى طيور ٍ بجنحان ____________والامثله واجد ولا يحضرني وانا آدمي مثل البشر ياابوسلمان ____________والبيض ياما بالهوى غربلني ماني بمعصوم ٍ ولو قلت غلطان ____________ياما شقن غيري وياما شقني حتى انت مانته منهن بخير وآمان ____________سهومهن بك يا محمد سطني والليّ يعاهدهن ولو باق ما خان ____________فيهن مادام شنانهن يقرعني يعطن امل ويريحن كم وجدان ____________وكم واحداً عطنه رمح المطني والمطرفي مبارك على زين الالحان ____________تهيض ولا لمته ولا غبني انا معه والشعر مرمى ونيشان ____________لكن يقول عيوني يوجعني وشلون وصّفهن وهو رجل مرضان ____________ما شافهن واعلن يقول اعجبني حبيت اسولف معه وامزح ولوكان ____________في كم بيت ٍ والبيوت اشغلني والشعر هذي ميزته بعض الاحيان ____________يجمعك في ناس ٍ لقاهم يمني وانت ومبارك من طويلين الايمان ____________ودي بشوفتكم ولو بالتمني يابن رخيه يا خليفة سليمان ____________طيبك وصل وبيوتكم ما اقفلني وقت البيوت تقام من فوق عمدان ____________مدهال للضيفان والليّ امتعني يا ولد عود ٍ سيرته جود واحسان ____________في عز مات وعاش وهو امتهني |
| الساعة الآن 09:15 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
إنطلقت الشبكة في 2006/10/17 م - المملكة العربية السعودية - المؤسس / تيسير بن ابراهيم بن محمد ابو طقيقة - الموقع حاصل على شهادة SSL