ومن فرع حويط سليمان من روائع شاعر المعنى
 

هذه القصيده كانت مشاركتي في احتفال قبيلة الحويطات والباديه الجنوبية
بمناسبة فوز فرقة المريغه الحويطات بالفرقه الملكيه

القصيده مهداه الى ابناء قبيلة الحويطات عامه وابناء عشيرة السليمانين

خاصه مع احترامي لباقي القبائل...

يالله يامنشي السحاب.
منزل عاطه الكتاب
تهديني درب الصواب.
وابعدني عن قول الزور..
اول مبداي الابيات
بترتيب.ن ماهن شتات
ثوابت ماهن غفلات
عليهن ختمي المشهور
بتوقيع.ن.لابن عمار
بنوادر جم الافكار
يردن عافكري بحضار
يشدن لدر المنثور...
افخر لا قلت حويطات
الرده الهم عادات
حكام..شيوخ وسادات
يشهد من بساحه حضور...
ولو انا عن ساحه نغيب
ياغيبه كنها للذيب
نغتز الجزله ونجيب
تشفي من العلات صدور...
واليوم نسجلها بفخر
حصري ولحويطات النشر
بفوز.ن.يكلله النصر
ويحشم به كل الجمهور...
مبروك لفرقة السامر
ملكيه لديوان.ن. عامر
احرار.ن.كابر عن كابر
نشامى وافين شبور...
ارجوكم لحظه ياساده
فكري تهيض بنشاده
ابروقه تسبق رعاده
يترجمها فكري بسطور...
الرده...الرده..عادتنا.
وان قالوا فزعه شدتنا
ولو عالمنيه ودتنا.
ردينا والدم يثور....
عن سجلات الاجداد
افتح كتاب الامجاد
ماتخالف فيه الاوراد
حويط الاول مذكور...
نسل جماز الشريف
بسناد.ن.ماهو ضعيف
لابه شك..ولا به زيف.
سجله واضح منشور....
اشراف.ن.من نسل اشراف
احفاد.ن.تتبع اسلاف
مبادئ عدل وانصاف
قاده للعلم وللشور...
ومن فرع حويط سليمان
عقب فرسان وشيخان
تتوارد مثل العقبان
لاردوهن عند الخور....
امدح الفعل ابو عفاس
عاداته كسب النوماس.
لا وردن قب الافراس
منيعه مايجيه الجور...
ولا كتم الجو وضفى
فعل العماري مايخفى
مايطعن في رمحه قفى
يطعن به صدر الجسور...
وابو نوير ساس الطيب
من مبطي سقم الحريب
ريف العاني والطنيب
وافي ولافيه قصور....
وابو ركيبه ضد الضد
لاثارت عالموت يكد
وقفاته بالطيب تسد
بالهيه فعله مذكور...
وان دارت رحى الميدان
وتخالط عج ودخان
المدح لابن عثمان
عاداته نطح الطابور...
وابن لافي ريف الجار
بيمينك مثل البتار
لاثارت مثل الاعصار
في سيفه يحمي المظهور....
وفعل ابن مزيد مشهود
كنه العد الميرود
راعي الشلفى حامي الذود
واضح بالفعل المشهور....
والمدح لابن عجلان
لا دارت رحى الميدان
يثنيها عند الشيخان
فعله مشهود ومخبور....
وابو شوشه سبع الغاب
لا لحقت للخيل ركاب
سيفه للعايل قصاب
بين مثل عين النور....
ولحقت بالخيل الافواج
غطا عليها العجاج
مقدمهم ابو عراج
غريمه يرجع مكسور...
ماجال بفكري وحساسي
سجلته على قرطاسي
وارفع في وقفتكم راسي
زعامه مافيها غرور...
اللي ذكرته عديته
سموحه من اللي نسيته
وكل رجل.ن.ممدوح بصيته
من معازيب.ن.وحضور...
وصلاة.ن.مني عالهادي
محمد وافي المبادي
ماكبر صوت المنادي
للعالم شرعه دستور....

شاعر المعنى
فرحان العمامره الحويطي