يا اهل القويرة
 

يا اهل القويره لو بقلبي تحلون ....مالمتو اللي ساهراتن عيونه

الشاعر اللي حب من قلب مجنون ...وشلون يوصف حالته من جنونه

يوم ان بعض الناس راحه ينامون ...قامت تحده للمساري شجونه

من غيبة اللي داخل القلب مكنون ...ابو العيون الناعسات الحنونه

اقفى وانا من ذيك الايام مطعون ...من يوم ما اقفت عن عيوني ضعونه

حسبي على اللي بالغلا ما يحسون ...حسبي على اللي حال دوني ودونه

انا اشهد ان العمر لا شكل لا لون ....واعاف كوني كل ما يذكرونه

الشوق مافيه المخاليق يدرون ....بعض العرب جهال ما يعرفونه

يا اهل القويره حالتي دون في دون ...منهو كواه الشوق لا تضلمونه

وللي يقول اتهون بالعون ما اتهون ....وانا عيوني ما تناظر عيونه

رد: يا اهل القويرة
 

الاخ عبد الله الخضيرات
للامانة ابدعت بنص من العيار الثقيل
لله درك