الشبكة العامة لقبائل الحويطات - المنبر الاعلامي و المرجع الرسمي المعتمد

- المنبر الخاص بأخبار القبيلة و فعالياتها (https://www.alhowaitat.net/forumdisplay.php?f=10)

- - مطير -يا اهل المكرمة والمواجيب (https://www.alhowaitat.net/showthread.php?t=67723)

مطير -يا اهل المكرمة والمواجيب

بسم الله الرحمن الرحيم

مطير ياهل المكرمه والمواجيب
الاوله من قسمكم مستواها

وجه الرجال الطيبين المناجيب
مقدم خيول العز منتم وراها

انتم تحلون العقد والنشاشيب
قبيلة ماخاب منهو نخاها

انتم غديتم للمكارم معازيب
ومالا يبيع الطيبه من شراها

انتم لكم حق بلا شك وريب
ورجالكم بالطيب نكرم لحاها

والمقدره والعفو والحلم والطيب
منكم ترانا ماقطعنا رجاها

صارت وشيطان الغضب يحضر ويغيب
واليوم بيدكم دواها وداها

يامنيور اقرا كلمتي بالمكاتيب
مثلك فهيم وشوف عينه يراها

عفوك لوجه الله كرامة وتثويب
وعند العظيم الحي تلقى جزاها

اجرك على اللي يعلم السر والغيب
وتكسب اجور اطفال تنظر لاباها

والعفو عند المقدره رجل هذيب
وشيمة كريم يجود باغلى مناها

والمال يفنى والبقى لفعلة الطيب
وانته من اللي حازها واحتواها

تكفون ياللي تدركون المواجيب
لا ترملون الصابره مع ضناها

نرفع لكم بيضه بروس المراقيب
على جبال اللوز ذعذع هواها

الشاعر مسلم عواد العميري

رد: مطير -يا اهل المكرمة والمواجيب

يسلم مسلم وصح لسانه مليوووون

رد: مطير -يا اهل المكرمة والمواجيب

عفوك لوجه الله كرامة وتثويب
وعند العظيم الحي تلقى جزاها

اجرك على اللي يعلم السر والغيب
وتكسب اجور اطفال تنظر لاباها

والعفو عند المقدره رجل هذيب
وشيمة كريم يجود باغلى مناها

الله الله عليك يسلم قلمك الراقى احسنت ويجزاك كل خير عن كل بيت شعر

شكرا اخى مسلم العميرى وتسلم الايادى اخى الفارس لنشرها ويارب يفرجها وتفرح قلوب

رد: مطير -يا اهل المكرمة والمواجيب

صح لسانك
الله يفك اسره يارب العالمين

رد: مطير -يا اهل المكرمة والمواجيب

الله كريم وقاصده ماخاب
يارب تشرح له قلوب ترجاك