سلّة اجروح
 

انا جمعت ابـ هالزمن سلّة اجروح = وانا دفعت ابـ هالزمن من مصيري
ضريبة ٍ ما خلّت الباب مفتوح = لسرب الاماني الطايره يا خشيري
غربه ورى مستنقع الحزن والنوح = ماتعرف الا عزف لحن الاخيري
فيها ممرات وصدى صوت مبحوح= وخطوة فراغ ٍ تايهه في مسيري
ماكنت اعرف ان الفرص نادر اتلوح=واللي تراوح في محلها تطيري
تمسح اثرها وتختفي لين ماتروح =تذهب مع ادراج الرياح وهجيري
ما كنت اعرف ان الحمامه اذا اتنوح= اتزيد حزني ليّن أ أنّب ضميري
الفارس اللي بين الاحباب مذبوح = ياما انقصم فالحب ظهر البعيري
وموج المحيط اللي تركني على اللوح=مثل الحلام اللي تراود سريري
كل ما اجدّف خلفها قامت اتروح = واتبثّ عتمتها بعين الضريري
احتاج لك (مخرج طواري ) إلى البوح = واحتاج لك مابيك تحتاج غيري
ان ما ملكت الروح من يملك الروح ؟ = وليتك عرفت اشقيمتك يا عشيري

رد: سلّة اجروح
 

يسلموووووووووووووووو

رد: سلّة اجروح
 

احتاج لك (مخرج طواري ) إلى البوح = واحتاج لك مابيك تحتاج غيري
ان ما ملكت الروح من يملك الروح ؟ = وليتك عرفت اشقيمتك يا عشيري


ابيات جميلة قمة فى الالقاء

شكرا شاعرنا الفاضل عناد