الشبكة العامة لقبائل الحويطات - المنبر الاعلامي و المرجع الرسمي المعتمد

بين المراجل والمواقف مواضيع == وبين الخمال وذلّة النفس طاعه
لو كنت رجل ايجمّع المال تجميع == ما كان انا والفقر جينا رباعه

أرهيت جيبي ماشكيت التلاويع == لين إشبعت نيبان ذيب المجاعه
ولولا الظروف اترّكع الحرّ تركيع == ما طار يشكي للجبال إلتياعه

أصغر عقول أعقول ناس ٍ مقاليع == واضيق انفوس اللي تحبّ القطاعه
واعذب زلال اللي يجي فالينابيع == واوفى طبع لاجاك دم ورضاعه

راس الفتى لا طاب ريف ومرابيع == لو شان وقته ما يغيّر اطباعه
والطيب بهلّ الطيب لايمكن ايضيع == يضيع في عرق الردى والضفاعه

والناس فيها اذواق بين اشتر وبيع == وكل ٍ حسب ذوقه يدلّ البضاعه
أشتر من اسيوف المخوّه بواتيع == خويّ جنب وفي عيونه شجاعه

أمقطع ٍ ثوبه على الطيب تقطيع == واتطّوّل ارقبتك فعايل اذراعه
ومايزعل من الطيب حر الطواليع == الا النفوس العايشه فالدناعه

اللي على الضيفان ضكّاك وامريع == ان شاف ضيفه خالفنّه اضلاعه
يضيق صدره كنها ضيقة الريع == وتكثر عليه امن الفشايل اوجاعه

وسعة الصدر يامن غدينا مواجيع == اتسدّ عن مجلس يطول اتساعه
وصدقك ، رصيد وراس مال ومشاريع == يفتح اديك ان ضقت في كل ساعه

وعلى بياض اتوّقع الشيك توقيع == ويبني ثقه بينك وبين الجماعه
وكل شي يفنى يا بعيد المراميع == الا افعول الطيب لا جت قناعه

والطيب بهّل الطيب لا يمكن ايضيع == وكل ٍ على أصله اترّده اطباعه