كل من عاش بالدنيا يشوف العجايب
 

كـل مـن عـاش بـالدنيا يـشوف العجايب
مـثـل مـاشـفت بـالدنيا وشـفته بـاهلها

قـمت ابـرق وافـرق بين مخطي وصايب
مـثل فـرق الـجبال الـنايفه مـن سـهلها

والـتـوافـيـق عــنــد حــظـوظ و وهــايـب
عــنـد رب يــجـازي كــل نـفـس بـعـملها

اشــهـد ان الــهـدوم يـسـترن الـمـعايب
اثــرهـا تـسـتر الـحـرمه وتـسـتر فـحـلها

الاوادم بـعـضهم مـثـل وصــف الـجلايب
لــو تـوحـد بـهـا ذيــب الـخلا كـان اكـلها

كــم صـبـي تـحـسب انــه ع الـضـرايب
وان بـخصته , كـرهت الـديره اللي نزلها

مـايسر ان حضر , وان غاب ماقيل غايب
مـــار الارزاق عــنـد ربٍ لـخـلـقه كـفـلها

مــايـضـد الــضـديـد ولايـفـيـد الـقـرايـب
يــوم نـفـسه تـعـدى حـدها مـن زعـلها

وفـيـه رجـل يـحل الـمشكله والـنشايب
كــــل مـاحـمـلـوه الـواجـبـات احـتـمـلها

وااقــــفٍ لــلــزوم ومــرتـكـي لـلـنـوايـب
والـحـمـول الـثـقـيله مـالـهـا الا جـمـلـها

لـيـت روحــه قـبـل تـركز عـليه الـنصايب
حــط عـنـه اربـعـين مــن الـزلايب بـدلها

وفـيـه مـنـهو مـسالم مـايحب الـطلايب
مشتقى من رضى نفسه ولا من زعلها

وفـيـه مـنـهو اذا كـبرت عـليك الـمصايب
سـاق وجـهه وجـاهه لـك ونفسه بذلها

وفـيـه مـنهو يـبا الـجودا فـلاشك هـايب
كـل مـاناض صـدره جـى عـضوده خللها

وفـيـه مـنـهو يـحل الـمعجزات الـصعايب
اصـغـر افـعـاله الـجـزلات مـحـدن فـعـلها

وفـيه مـنهو يـعيش وعـيشته بـالسبايب
كـل مـاسمعله غـلطة مـن رفـيقه نقلها

وفـيه مـنهو على نفسه رضى بالغلايب
الله الـلـي رفــع نـفـس ونـفـس خـذلـها

لـو تـبي تـنصحه لـله نجر الهبايب انكرك
والــنــصــيــحـه ردهــــــــا مــاقــبــلـهـا

اشـهـد انــه عـقـوبه مـن كـبار الـعقايب
قـاصـر الـمـعرفه قـلـبه كـمـا قـلـب بـلها


أحمد الناصر الشايع

رد: كل من عاش بالدنيا يشوف العجايب
 

صح نقلك طبعى الوفا
معلقة احمد الشايع رائعة بروعة مداد قلمك.

رد: كل من عاش بالدنيا يشوف العجايب
 

ياخوى المناعة مابقت تتحمل تقلبات مزاج البشر

من عرف الداء عرف الدواء والشاعر عبر فاحسن القصيدة

نورت الموضوع بحضورك اخى الكريم البراهيمى
والرائع هو ذوقك فى الرد واسعدنى اعجابك بالابيات الشعر
لك تحياتى

رد: كل من عاش بالدنيا يشوف العجايب
 

اشكرك على النقل الجميل للقضيدة المعبرة