محمد بن راجي العنزي يمدح الحويطات .
 

لي الشرف بزيارتي للحويطات ، مكرمين الضيف زبن الجلاوي

قوم ابو تايه كاسبين البطولات ، اهل الشجاعة مبعدين الهقاوي

يوم انها ما بين صولة وجولات ، على ظهور الجيش وقت العزاوي

تاريخهم واضح ولا فيه شكات ، ثابت وله مابين الاجواد راوي

في وقتنا الماضي ووقت الحضارات ، الكل منهم بالمواقف نداوي

الشيخ ابن جازي على العز مامات ، والشيخ ابو تايه بعيد المناوي

سجل لهم في قمة المجد صفحات ، بفعالهم ماهو بدفع الرشاوي

وابو طقيقه تفتخر فيه الابيات ، حر (ن ) بميقافه يحل الدعاوي

وخص في ذكري زبون المهات ، عيد وعياله نعم ماهي حكاوي

والشيخ ابو ماهر يحل الصعيبات ، على المواقف والمراجل رهاوي

واخوه ابو ريان راعي الجزيلات ، على العلا دايم يحث الخطاوي

والخاتمة بكتب جزيل العبارات ، رد الثنا واجب بنص الفتاوي .



الشاعر / محمد بن راجي بن حشحوش العنزي


المصدر / ملتقى الحويطات الاشراف .

رد: محمد بن راجي العنزي يمدح الحويطات .
 

مشكور على القصيدة اخي الغالي

رد: محمد بن راجي العنزي يمدح الحويطات .
 

الاخ العزيز نور الدين ، حياك الله ، ونشكر الشاعر القدير محمد بن راجي بن حشحوش العنزي على القصيدة الوافية وصح لسانه ويستاهل المدح الطيبين ، وهو من لابة نعتز فيها ومن اطيب القبائل شهادة حق .


اخوكم / يعقوب العمراني .