الشبكة العامة لقبائل الحويطات - المنبر الاعلامي و المرجع الرسمي المعتمد - قصيده من الشاعر / احمد بن عيد الطقطقي وردي .

قصيده من الشاعر/ احمد بن عيد الطقطقي الحويطي . يصف فيها حالته بعد غياب اخيه الشاعر المسجون/ محمد بن عيد الطقطقي. طالبا من خادم الحرمين الشريفين الملك/ سلمان بن عبدالعزيز وولي عهده الامير / محمد بن سلمان بالعفو عنه واطلاق سراحه.

وآقـلـبي ياللي فـيه دق المساميـر
------------- قـامـن يــدقــنـه كـمـا دق نـجـار
وردن عليه هموم صفن طوابيـر
------------- قامــن يــحـزنه كـما حــز جـزار
شكواي للمعـبـود حسن الـتـدابيــر
------------ انه يـصرفـهـن على يـميـن ويسار
ويرجع ابن آبوي ريـف المسايـير
------------ من بعد عفو ٍ من طويليـن الاعمار
يــا مـلوكنـا يـا غيـثـنـا يالتـباشيــر
------------ انـتـم ذرانا يــا بـعــيـديـن الانـظار
ردي /
حركت هاجوس بـجناحيـن ويـطيـــر
---------- بيـن الضلوع وشغل اجـراس الانـذار
يـقـتر في صدري ويكـفـخ كفخ طـيـر
----------- مجـتــاح ٍ آفـاقـه ومـن مـآكـره طــار
حركت يااحمد هاجس وهاجس ٍ غيـر
------------ وامسيـت مثقل في هواجـيس وافـكار
لو يـاردن ورد الضوامي عـلى بـيــر
------------- اقــدر اصــدرهــن عــلى زام وادوار
وما ضقت والبل في ورود ومصادير
------------ ربي خـلـقـها تـشيــل وحـمولها كــبار
شكواك من كبـد السماء تـطرح الطير
------------ امرحت منها بضيق واصبحت محتار
في جـوك مـزون وغشتها الاعاصيـر
------------ وتـحـولــت دهــم الــمـراديــم لــغــبار
وشلون الومك واعرف اللي لك يـصير
------------ اشعــر واحـس بــدون لآصلـك فــالدار
مـما نــظـمـت ومـا حـوتـه الــتعابـيــر
-------------- تـرجمت احاسيسك من خلال الاشعار
شعر ٍ وسمـته حــزن لك فـيه تبـريـر
-------------- محاصرتــك ظـروف وادعـتك منهار
من غيــبـة اللي له على الـبيـت تأثيـر
----------------- غـيبـة محمد عـنـك غــيـبه لها اضـرار
فــراغ ما يـنـسد من دون تــقــصيــر
----------------- فــيــكم وتــال عـيـاله الـيــوم قـصّـار
اكبــرهـم الـلي راح فـي حادثـة سيــر
---------------- (فايـز) ومعـه ابـنـاء عـمـومـتـه وكـبـار
ولا شك اجل مكتـوب ما فيـه تـاخـير
------------------ نـطـلب لهم رحـمـة كــريــم ٍ وغـفـار
ولو وقـعت فـقـدا الثلاثه عـلى بـعيـر
-------------------- تـقـصم ظهره ونعرف شعـيل صبار
يا ثـقـلها واثــقـل علـيــكم من النـيـر
-------------------- واثـقـل على محمد من الـنيــر مع شار
ضـيقـة سجن وآلام حـزن الـمقاديــر
------------------- اوجـاعـهـا فـي خـاطره ولـعـت نـار
وتــهـون بـمـر مسيّـر العـبد ويسيــر
------------------- الــواحـد الـلي نـطـلـبـه سر وجـهـار
ومن ثم من عفو المـلـوك المــناعيـر
------------------- آل السعود ومـجـدهم فــوق الاذكـار
حاكم بــظله ينــعـم الشعب في خيــر
------------------- ابــو فـهـد وقـفـه وفــزعه ومـغــوار
وابـنـه محمد ماانــوجد فــالاساطـيــر
------------------- ولي عـهـده صيـتـه بـكـل الاقـطـار
من فعل ماهـو قـول محتاج تـفسيــر
------------------- سوالف ٍ تـعـرض بنشرات الاخـبار
خـلد فــعــول وحدث وزاد تــطوير
---------------------- رسايــلـه منـقـولة ٍ عــبـر الاقـمار
وتكفون يا سيوف العرب يالبـواتيـر
-------------------- تـعـفـو عنه وانتم شريفيـن واحرار
والعـفو مـنكم يشفي نفوس وينـيــر
---------------------- يضوي بيوت ٍ طافيه فيها الانـوار