الشبكة العامة لقبائل الحويطات - المنبر الاعلامي و المرجع الرسمي المعتمد

هذه القصيده لشاعر عبدالهادي قاسم البحيح

عرب حنا ولنا عزه ولكن حالنا صامت=قديم الوقت ماكنا نريد الصمت ونضمه
بنينا بالزمن مجده وليت امجادنا دامت=بناها الجد بكفوفه وكف احفادهم طمه
عرب كانت عزايمنا تهز الكون لاقامت=نعم سيف العرب يقطع لعنق الذل ماهمه
ولكن شوفو حاضرنا نشوف ان العرب نامت=تعودنا على الخذلان تراجعنا من القمه
تعودنا على الذله ضحكنا لضحكة الشامت=تفرقنا وتقسمنا وكل له على يمه
قبلنا الضيم (ع) نفسنا ولايوم العرب ضامت=ضامتنا دولة اسرائيل ولاهي منا مهتمه
وعد بلفور واوفاه الوعود اللي بها هامت=عطاها من العرب ديره وعدها والوعد تمه
على يوم وشهر وسنين على غرب النهر حامت=نعم واكبر مطامعها ان الاقصى لها تضمه
تمكن والسبب حنا كان انفوسنا شامت=عن محارب عدوتنا وعن التوحيد واللمه
سكتنا والعدو يكبر على نية غدر كامت=الى منه غدا قادر على اسقاي العرب سمه
شربنا السم من يمنى غرسها صوتنا الصامت=لزوم ان قطعناها قبل ماينثني كمه
سلب اغلى مواطنا غزانا والسبب غامت=غزانا بحجة الارهاب وخيرات العرب همه
بعد قدس العرب بغداد غزاها الحاقد الشامت=وثم الحق على لبنان ذبح شعب وسفك دمه
ترجينا دول عظمى ولامره لها لامت=سلامة بوش والفيتو يحل الراي ويذمه
نبي الفزعه من اعدانا ونعرف الواقع الزامت=ان اسرائيل لاقامت يكون الراي من عمه
وحنا في تجمعنا شجبنا وليتها دامت=على الكلمه تخالفنا وقمه تتلي قمه
الا وين السيوف اللي عن ارقاب العدو صامت=صدت من بطوها ولا من الاغماد منثلمه
اذا ماتت حمام السلم وطيور الوغا حامت=هذاك اليوم نقول انا عرب وبعالي القمه
وسلم لي على شيخ سهر وعيوننا نامت=ولو بحر العدو اغزر سقى صهيون من جمه
رمى بسم الله العالي بوارج بالحر عامت=وعلى مدن اليهود راسل صواريخه عن الامه
عرب حنا وبنا عزه ولكن حالنا صامت=عسى الله يرفع امتنا من الكسره على الضمه