[poem=font=",6,black,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]
يالــله يامنـشـي ثـمـر عـود مـن عـود = يامـحيي اقشـوع الشجر كل عـودي
ياسـايق الخـيرات في إمزون ورعود = بأمـرك تسقـا إمـزلزلات الرعـودي
يالـلـي لـك المخلـوق ركـاع وسـجود =ترجـى ثوابك في ركـوع وسجـودي
تحفظ غيوض اللي غلاها بـلا حـدود =ياقـوت من روحـي لروحـي سنـودي
سـوت لـها بستـان يلعـب مـع النــود = تــذري علـيه مـن الـذعـاذيـع نـودي
وقصر على الشلال وزهور وورود =وسـط الضـماير منـزلك يـا وجـودي
أسمك سما روس المعالي عن الخـود =أسمـك سـمـا قـوه وطبــعـك ودودي
تستـاهـلـين الـزي بـنـجـر وعـنقـود = ومـن الـذهب حـجل طـويل القيـودي
لـون الـليـالـي بيـن حـدرات وسـنود = تقـبـل وتـقفـي وبـلك ربـي تـرودي
ياللـي شلعـت القـلب ماتـشـلع القـود = لـمـولـهـا الفـريس جمـع الـجـرودي
ترقـب عسـام الـعـج بدخـان بـارود = وريـح الفتيـل مشـررات الزنـــودي
وعيـو علـيها واجرهـدت مـع البـود =وتـقسـمـوهـا مــوجـعـين الكـبــودي
واللي رجع وانكـف ولاجاب مردود = تـقـطـع حـسـرات قـلـبـه الـهــودي
ولا كـما شلـعت طـنب بيـت ممـدود = شلعت طنـب بيـت شلعـها العمــودي
يابـوك انا بغلـيك عن بيض من سود = لا والـذي بـاعـث دفيـن اللــحـودي
اشـوف فيـك العـز والعـز منـشــود =غايـة مــرام اللـي يبـي كـل زودي
منسـوعـت السيسان خيـلان وجـدود = على الولي وصـل الرشـا للعدودي
وصـلاة ربـي عـدد ما مـال عـنقـود =وان ذعـذع الغربي بغصنه يهودي
للشـاعر :سليمان احمد الاويرك المشهوري الحويطي
والنعم في المشاااااااااااااهير كلهم
ولان القصيدهجزله وتستحق ان تظهر بمظهر جميل
نسقتها بعد اذنك اخوي[/poem]
قصيده للشاعر سليمان احمد الاويرك المشهوري الحويطي
العرض العادي
