نظره من المزيون بعيونه السود
تحيي العروق اللي من العام يباس
نظرة عيونك ياحبيبي بها فود
تشفي جروح القلب ياعذب الأحساس
مثل المطر للأرض يحيا بها العود
وتنبت الأعشاب والزهر واغراس
عقب السحاب اللي به البرق ورعود
تلقى الحيا بريضان وسهول واطعاس
وان كان بالنظرات تبخل ولا تجود
اعرف تراني بعيشة الهم والياس
وكانك نويت الصد ولا ودك تعود
اعيش في دنياي بضيق ن وهوجاس
اعيش مثل اللي قضى العمر مقرود
حظه تعيس ويشرب المر باالكاس
واليوم اشوفك تنكر الحب وعهود
عزي لقلب ن من هوى الزين محتاس
كني غريب ن حايل ن بينه حدود
عايش وحيد الدار ماحوله اوناس
والعين طول الليل ماتقبل رقود
عين الشقى مانقبل النوم ياناس
والمعذره ان كان بالحرف منقود
حرف ن به الآلام من قلب حساس
وهذي النهايه كل شي ن له حدود
خط ن موضح باالقلم وسط قرطاس
سلطان الشعر
فايق السليماني الحويطي
نظرة عيونك غزل لسلطان الشعر
العرض العادي
