يجعله بخير وفي مسرّه وهنا واسعود

الى ذعذع الغربي وهبت هبوب النود ،، اشوفه من اديني خذاني و وداني

الى الديره اللي قد دهلها طري العود ،، وسيع العيون اللي لقيته ولاقاني

وهو دانة العيله وهو آخر العنقود ،، عسى ما انحرم منه الى جيتله عاني

عطاني واجزل بالعطا ماعليه اشهود ،، منحني ثقه واشهد عن الغير بداني

يجعله بخير وفي مسره وهنا واسعود ،، كريما ًوانستاهل فديته ويفداني

يسجل دخوله كل ليله هنا ويعود ،، ويرجع بنفسيه جديده على شاني

احبه ويحبني جود نفسن من الماجود ،، ولا واحدن فينا بيضحك على الثاني

محبة سنع ماهي محبه على منقود ،، وانا عند حسن الظن لا ظن يلقاني