قصيدة ربعي حويطات

بسم الله الرحمن الرحيم
السادة اعضاء منتدى قبيلة الحويطات الكرام والمشرف العام على المنتدى بصفة خاصة
السلام عليكم ورحمة الله وبركاته
يشرفني ان اشارك بهذه القصيدة في قبيلة الحويطات على امل ان تحوز على رضا الجميع
وقبلية الحويطات لايمكن اختصارها في قصيدة ، ولكني قدمت ماجال بخاطري.

[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يقول ابن شداد من زين الامثال = مثايل من در شعره نقاها
مثايلا كلهن ثمينات واجزال = ابيوت شعرا عاليا مستواها
اغلا من الياقوت والدر والمال = قي قدرها ومضمونها ومحتواها
في مدح ربعي قلتهن مابها اجدال = واكتب لها عنوان في منتداها
ربعي حويطات لهم مجد وافعال = اعتز فيهم وافتخر واتباها
قوما لهم في قمة المجد منزال = من دونها شوف الخلايق تناها
امجادهم تبقى على مر الاجيال = في صفحة التاريخ يشرق ضياها
في لندن وباريس للعلم منهال = وعلوم ربعي تبهر اللي قراها
والشجره اللي بالمدينه لها اظلال = لحويط فيها فروع طيب جناها
من عهد جماز الحسيني ومازال = قبيلة ماغيرت بانتماها
كلهم عيال حويط فرسان وابطال = من الاسرة اللي شرف الله نماها
منهم اخو عليا على الخيل لاصال = له ضربة بالسيف ماحد قواها
عوده ابو تايه رقي مركزا عال = عاش الصعايب و هامته ماحناها
ومنهم اخو سلمى الى قال فعال = الى انتخى باختة وقف واحتماه
ومنهم التوم المسمى الى جال = يطش ركاب العبيه وراها
هذي نماذج سقتها لضرب الامثال = والا الحقيقه شعرنا ماحصاها
افعالهم ماتنحصي بقول قوال = وفرساتهم مثل النجوم بسماها
والشخ ابو طقيقه كما الضلع لاطال = شيخا له امجاد بعيد مداها
الشخ عون معرب الجد والخال = كل الخصال الطيبات احتواها
حاز المراجل كلها وحاز الافضال = ويديه عن بذل العطا ماثناها
بيته شهير وللاجاويد مدهال = ودلال كيفه للنشاما جذاها
يوفي بحق الضيف للمال بذال = والى وقف دون اللوازم نهاها
والشيخ ابن جازي له المجد سربال = من لابة عز الضعايف احماها
شيخ كريم وللصعيبات حلال = والمشكله لوهي صعيبه قضاها
سلطان بن فيصل لكسب الثنا نال = كل المكارم حاز منها ثناها
وابن شديد بمصر له له قدر واجلال = شيخا وباشه والمعالي رقاها
من لابة في كل موقع لها رجال = بالعلم وصلو كل منصب وجاها
هذا وانا لو قلت ماجال في البال = يعجز لساني والقلم مارواها
تاريخهم مايجحده غير جهال = والا الحسود اللي الحقيقه كماها
ماقلتها منافق ولاني بدجال = ولاني مدور لي مرابح وراها
شاعر وهذا واجبي بكل الاحوال = قبيلتي واجب عليه ولاها
في مد حهم ماهمني قول عذال = نبغى الحقيقه مابغينا سواها
وصلاة ربي عد ماتذري زمال = مع الهبوب اللي يذري هواها
على نبي الله والصحب والال = محمد شفيع الامه اللي هداها [/poem]