عفت الاطلال

أعرض لكم هذهِ الرائعة للشاعر/ عقيل محمد الحويطي
والذي أتمنى أن تليق بذائقتكم وتنال على أعجابكم

[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
قالو لي أقنص ناس بالقنص جهال=مايعرفون النار وشلون شبه
وقلت القنص عفته لي أسنينٍ أطوال=ماني على ذيك الوجيه أمتشبه
واليوم صار القنص موظة مع أهبال=لاسالم(ن)طيره ولاسالم(ن) ظبه
واغلبهم أللي كشخة شماغ وعقال=يتبع هوى نفسه وعلى ماتحبه
ماشوَقة في فيةٍ(ن) شرب فنجال=يموت ماسوى على النار لبه
له بالبلد جوال وللبر جوال=وجيبٍ جديد ولايحس بمطبه
يمشي مع العالم فخوراً ومختال=ويوصفه من نوره إلى صطبه
ناسٍ طغت يالله يارب ياوال=تستر علينا لانطيح بمغبه
تنصاد شاة الصيد وصغارها لحال=مافيه من يرحم أو يخاف ربه
يلي لكم بالبر صوله وتجوال=هاكم سلامي وصلوه الأحبه
قولوا لأبو عتيق ترى عفت الاطلال=من دون عيد القنص ماعاد أطبه
من غير قاصر فيك ياطيب الفال=يلي تحوف الكيف وتجيد صبه
هذا جوابي يوم قال الذي قال=أقنص وهو نار الحطب مايشبه[/poem]