الذيب والقفص

كان فيه ذيب محجوزفي قفص عند رجل اسمه مطير السليمي في مدينة تبوك وزاره في احد الايام شخص من جماعته فشاف الذيب والوضع الذي هو فيه فقال هذه القصيده






[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ذيـب وشبـك لا تعـاوي الربابـه=في غفوة الرمشين والنـاس هجـاع
ما ظنتي يا مطير من جـوع صابـه=عنده من الخيرات اشكـال وانـواع
مير البلا مشتاق شـوف الهضابـه=ومن دونهن قفلين سارن لـه منـاع
توه صغير ومـا بعـد شـق نابـه=والذيب عمره ما حنى الراس مطواع
ياكل بكيفـه مـا يعـرف المهابـه=وينقى بعينه ما ارعبه صوت فـزاع
واليوم يشكـي وحدتـه واغترابـه=يوجس بوسط القلب علات واوجاع
مـن دورة الايـام يشكـي صوابـه=حظه رمابـه بيـن شـاري وبيـاع
فارض عليه مطير حـذر ورقابـه=خمسة عشر كالون مفتاحهن ضـاع
لا وعـذاب الـذيـب لا وعـذابـه=شوري عليه اليوم للوقـت ينصـاع
ان كان يا ابو رياض ما تفـك بابـه=لجمع لك الشعـار ونجيـك شفـاع
امـا تفـك الذيـب يلحـق شبابـه=ولا قلبناهـا تصانـيـف ونــزاع
واقبل سلامي عـد وابـل سحابـه=وبعداد ما ذيب عـوى راس قنـزاع [/poem]