ربعي حويطاتٍ عريبين الاجداد

قصيده القاها الشاعر/ سعيد عوده الحويطي

بحفل ربعنا الفتات الذي قام على لم شمل الحويطات بالطائف..


[poem=font="Simplified Arabic*7*black*normal*normal" bkcolor="transparent" bkimage="" border="none*4*gray" type=0 line=1 align=center use=ex num="0*black"]

بديت باسم اللي له الخلق سجاد=الكون كله والملا سبحوله
احمده سبحانه على كل ماراد=وماقدر المولى لعبده ينوله
ومن بعد هذا ياقلم خط بمداد=أكتب وانا أمليك باللي تقوله
اكتب قصيدٍ مايجي فيه نقاد= قافٍ ومعنى مايجي به ميوله
قاف ثمين رتبه فكر شداد=أغلىمن الياقوت لو ثمنوا له
اكتب تحيه حب فيها الغلا ساد=لبيت الكرم والجود واللي لفو له
أجمل تحيه عطرها الفل والكاد=من الشمال الى الجنوب محموله
تحيه حويطات شيوخ وافراد=اللي حضروا واللي تعذر وصوله
نقولها اعداد ماهل رعاد=واعداد ماحدر بوادي سيوله
تعم كل اللي على الحفل شهاد=من غير مااسمي لذوله وذوله
ولربعنا الفتات من دون تعداد=أهل الوفاء والطيب وأهل الرجوله
من لابةً تفخر على الناس بامجاد=والنعم في ذاك النسب والحموله
ربعي حويطات عريبين الأجداد=أسمً يشرف كل من ينتموله
وتاريخهم ما ينحصي بشعر قصاد=أن كان مابيض الصحايف حصوله
وعبد الله ابن حسين لنه كرم جاد=جوده كما غيث تزايد هطوله
ترفع لها البيضاعلى روس الاشهاد=اللي تجمل يوم ربعه نصو له
اللي عفا والعفو من طبع الاجواد=عساه يلقا عند ربه قبوله
اللي عن سلوم الرجاجيل ما حاد=والله يجمل كل من ساعدوله
والشيخ عون اللي له المدح ينقاد=والمدح في مثله لزوم نقوله
شيخاً على حل الصعيبات معتاد=وموافقه عند العرب يشهدوا له
اللي نصوله حرب وقريش وفاد=واستبشروا بالخير ساعه عنو له
طويلع وابن مبيريك للخير نشاد=وقريش ومن شارك برايه وقوله
كلهم شيوخاً في المهمات سداد=ياسعد منهو في لزومه سعوله
جوله وقالو له بعد ملحة الزاد=حنا بغينا منك فزعة رجوله
قال أبشروا بس أمهلوني لميعاد=والصعب يسهل على ربعه بمن رافقو له
ولا خاب ضنه في النشاما بما راد=والأمر هان ويسر الله حصوله
وقالو له أبشر مالنا عنك محواد=واللي طلبته بأذن ربي تنوله
وسلطان بن جازي كما نجم وقاد=شيخاً ربط بين الكواكب خيوله
من دون فعله ما وقف حد وبلاد=له وقفةٍ عند اللوازم مهوله
شيخاً ورث مجد يورثه الأحفاد=وكسب الثنا لونه صعيبا يطوله
وفواز أبو تايه لنا عز واسناد=شيخاً ولد شيخ تشرف فعوله
حفيد شيخاً ماله أمثال وانداد =عوده أبو تايه تاريخ وبطوله
يالله عساه بخير مايشوف النكاد=ما بين ربعٍ كلهم يحتمو له
ويالله عسا اللي مات في الخلد له زاد=وفي جنة الفردوس يجعل نزوله
واللي بقا بدنياه والله ما عاد=الاالرجاء فـ اللي بالخير يدعوا له
وانا دعيت اللي له الخلق عباد=وياللي حضرتوا بالدعاء رددوا له
يالله عساه لجنة الخلد وراد=يا واحداً كل الملا يرتجوا له
وختامها هذا قصيدي وما فاد=وعساه ماثقل عليكم بطوله
وصلوا على سيد البشر خير الاسياد=المصطفى المختار محمد رسوله[/poem]

الشاعر سعيد عوده شداد الحويطي

صح السان الشاعر/سعيد عوده الحويطي..

قصيده جميله عزفت على جميع الأوتار..

وتناولت الكثير من المواضيع التي يصعب على الأدباء حصرها في مجلد واحد..


ونشكركـ اخي المشاهد على النقل الرائع وعلى كل ماتقوم بهِ من جهد تستحق الشكر عليه..




لكـ خالص الود والتقدير..



تحيتي

صح لسانك شاعرنا ويا ليت تنشر قصيدة الد كتور حمدان الحويطى فى حفل ملتقاء الحويطات فى الطائف

الاخ عبدالله الموسى
لاشك بان الشاعر الكبير سعيد عوده الحويطي شاعر مميز باسلوبه واخلاقه
فهو علم من اعلام الشعر بقبيلة الحويطات ولاياتي الا بالجزل والمفيد.
شكرا لمرورك ياشعلة المنتدى.

ابو هيثم
صح بدنك ويستحق شاعرنا القدير سعيد الشكر على مايقدمه في
محافل الحويطات بجانب زملائه الشعراء من القبيله فكلهم نجوم وكلهم
اعلام وفقهم الله.
اما بالنسبه لقصيدة الدكتور حمدان الحويطي وهي باللغه العربيه الفصحى
وقصيده جميله ولكن لو اني تحصلت عليها لن اتردد بانزالها في المنتدى.
وكنت اتمنى ان كل اللي شاركوا من شعراء عندي قصايدهم واضعها بالمنتدى.

أقسم بالله إنها قصيده تنطق لحالها انا أشهد انه شاعر جزل

والله انه يرفع الراس والله ثم والله إنا نفتخر بمثل هؤلاء الشعار

وينهم ما نشوف قصايدهم إلا في المنتديات وين الإعلام عنهم

والله كل الحروف من الألف إلى الياء تعجز عن شكري للشاعر سعيد شداد

والشكر موصول للأخ العزيز المشاهد على نقله لنا مثل هذه الروائع

بالفعل يابعيد الهقاوي لدينا نجوم من الشعراء القادرين
على تسطير الكلمه باصدق عباراتها واقوى معانيها ولكن
هناك تعتيم اعلامي او تجاهل لهؤلاء الكوكبه مع اني اجزم
بان هناك ايضا نجوم من شعراء الحويطات لم نصل الى قصائدهم
سواء من الجيل الاومل او الجيل الحالي.
اشكر لك مرورك والشاعر سعيد شاعر خلوق ومتمكن ويستاهل الاشاده
به.

صح لسان الشاعر سعيد للقصيدة الجزلة وبارك فيك اخي المشاهد لنقلها ودمت بخير

صح بدنك اخت مسلمه
وشكرا لمرورك وتعليقك.

صح لسان الشاعر

صح لسان الشاعر الكبير سعيد شداد الحويطي
شاعر قدير و جزل نفتخر جميعا بابداعاته و جزالة قصائده

يعطيك العافيه اخي الفاضل على نقل هذه القصيدة الجميله لشاعر كبير


تحياتي اخي الفاضل

صح لسانكــ وشاعرهاااااا

قصيدهـ رائعهـ وجزلهـ

صح لسان الشاعر سعيد
قصيده جميله