صبــــــاح الضيق

[align=center]السلام عليكم ورحمة الله وبركاتة


ارجو من الله ان يكون صباحكم عكس عنوان هذه الصيدة التي اتمنى ان تنال اعجابكم[/align]



[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
صباح الضيق / صباح الهم / صباح الجوع والطفرة= صباح اللي بدا صبحه وهو من صبحه يعاني

صباح اللي بدا صبحه وكل الناس تحتقره= صباح اللي بدا صبحه بكلمة قوم يا داني

صباح اللي مسك باقي رغيف البارحة كسره= وأخذ يقرظ بها بسنون اغلبها غدا فاني

صباح اللي جمع عمره وباقي سنينه القشرة= وبدا يمشي على مركاد يسند ظهره الحاني

تشوف الذل في عيونه وجور الوقت بالبشرة= تشوفه من القهر يبكي على حالة وبكاني

ينادي بيننا ( يا ناس ) تخنق صوتة العبره= ينادي بيننا ( لله ) شجن نبرته ناداني

عطيته شي من نفسي علي ّمن شان ما يشره= ودعا ربه على شأني وشوفوا كم هو أعطاني

أمل مفقود من عمري وعلمني الصبر صبره= وعلمني أعيش إكبير لو هو بس من شاني

وعلمني أحب الذات وابعد هقوة النظرة= وعلمني أطالع فوق لجل غيري ما يا طأني

و أبين بسمتي للناس و أخفي عنهم الكشره= و أجامل كل هالعالم لجل ما عيش وحداني

علمني كثير اشياء وأنا من شان ما يشره != عطيته شي من نفسي وشوفوا كم هم هو أعطاني

صباح اللي بدا صبحة يلوم الوقت في فقره= يحس انة غدا مجني علية وفقره الجاني

صباح الأمس / صباح اليوم / صباح الخير يا بكره= صباح اللي بدا صبحه ورجع لي الأمل ثاني
[/poem]