ماكينة الاســــــــــــــــــــد القديمه للبيع!!!!!!!!

يقولون ان السعوديون انهبلوا........على المكاين...(وهذا امر غير مستغرب)

لكن اليوم انهبلوا على المكاين القديمه سنجر والاسد ....يعني المكاين الحقيقيه

حقت الخياطه............يا جماعه (ما مدى مصداقية الخبر )..عاجبتني الجمله

المهم انا لي زمااااااااااان عن هالقسم .....كيفكم......ليه زمااااااان ماشفتكم

العلم .......يا جماعة الربع .........طلع عند امي الله يحفظها لنا ويطول

عمرها على طاعته..مكينتين خياطه اللي عليها صورة الاسد القديمه

اللي يقولون فيها الزئبق الاحمر ....للبيع اللي عنده زبون يراسلني

على العام.

وله احلى عموله واحلى بوسه


وقد جاشت قريحة الطفرانيين وقالو :

لا واهني اللي ورثله مكينه
اوليتني خياط ومحصلن فود
يوم المكينه صارت آله ثمنيه
والناس صارت بين ناشد ومنشود
اللي لقاها مرضين والدينه
ومن سعد حظه كنه اليوم مولود
وراع الفراشه صاح والله غبينه
وراحت حياته كلها لهود وبلود
وراع الاسد يضحك وطابت سنينه
ومن عقب ماهو ضايق الصدر مقرورد



نفسي اعرف وش سبب ارتفاع اسعارها غير انو فيها زئبق ومدري ايش ابي السبب الرئيسي ..؟!



للمعلوميه وصلت اسعار الوحدهأ 200000 الف ريال ينطح ريال .. لكم المايك ..

راحن المكاين من 1000 ههههه الثنتين،،

والله جابني الطريق من شوي على السوق الدولي وقلت بشوف وش سالفة المكاين!

ولقيت حواللي عشر اشخاص كل واحد عارض مكينته على الدبه ويمسح فيها ويلمعها يبي يخليها
عرووووووووووووس،،

قلت يالربع ها كم السوووم ..قالوا عندك قلت راحو من 200ريال قالو تعداك السوم واحد سام 300

وبسراحة حتى اللي عارضين المكاين للبيع مو داخلة راسهم السالفه وماغير يسئلون وش الوضع

لاكن يمدحون سوق العصر نزلهم والرزق على الله اليوم يوم المكاين

تحياتي

[align=center]~ ابو عابد ~

ياخي ليش التحطيم هههههـ يقولون بـ حفر الباطن وصلت 200 الف ريال> بس مو داخله راسي واحد يدفع هالمبلغ عشان مكينه خياطه ..!!

مدري ليش الدنيا مقلبوهـ على هالمكاين ..اللي يقول علامة (الاسد) بها زئبق أحمر > أنقزها هههـ

ع العموم الشعب طفران ههههـ بكرهـ اخاف يقولون سراويل دروش فيها زئبق احمر ههههـ

تحياتي واحتراماتي .. [/align]

من أمس وأنا أسمع بالخبر الخرافي هذا ..
الهدف كله الحصول على الزئبق الأحمر اللي هو طعام الجن وليس لأمر خياطة الملابس .. لكن لماذا .. الله أعلم ..؟ الناس قريب بتصير أثرياء من ورا هالزئبق الأحمر !! ههههههههههه
مشكور أخي الدحمي للموضوع ..

حنايا الروح

يقولون ان السعوديون انهبلوا........على المكاين...(وهذا امر غير مستغرب)

الظاهر قرب وقت الدجال اعاذنا الله منه واياكم

يصير الناس العوبة في يد كل من هب ودب ويجرون وراء الإشاعات والأوهام

نسمع قصص عن موضوع المكاين في مجالسنا ما ندري هي تضحك ولا تبكي


شكر يا الدحمي

سشالفه اشوفكم تتكلمون عن الماكينه توصل 200 الف

وربي رحت غرفة امي اشوف الماكينه حقتها

قلت يمكن تطلع من ذي المكاين اللي تتكلمون عنها هههههههه

وبعدين ايش يعني الزئبق الاحمر شلون شكله يمكن عندنا وانا مدري ههههههههههه

يسلمووو خيووو

[align=center]أبو سليم ..



الله يحسن خواتمنا .. بس ..

شاكر لك ..




دلع بدويـــه

وبعدين ايش يعني الزئبق الاحمر شلون شكله يمكن عندنا وانا مدري

قال ايش .. قال ~ عندنا ~ هههـ يا شيخه اسكتي بس ههـ هـ هاذي دول تدور على الزئبق بس مشكلة هـ الدول مادروا انها عند العجايز عندنا ^_~

تحايتي لكـ [/align]

[align=center] ههههههه يعني تعرض مكاين الوالده للبيع >> من وراها اكيد خخ

وحدة من صديقاتي آخوها باع ماكينة الخياطة حقته في الجوف ب 70 آلف >> يقولون لها مندوب يشتري المكاين

لكن مصداقية الخبر هذي آدرى فيها الي نشر خبرها

العالم حااايسة وماتدري من الصاادق ومن الكذاب لكن في آغلب المناطق سمعت انها انباااعت بمبالغ حلوه >> يقولون وعاد تعرفون اش معنى يقولون [/align]

اخي الدحمي والله شي يدعو الى الحيره في الامر وما يخفيه ورائه من امور
انا شاك ان فيه انا اخواتها وبعدي بحثي المتكرر في القوقل وجدت هالمعلومات
وقلت ننقلها لكم للاطلاع وابداء ارائكم


[align=center]امر غريب يحدث منذو يوم الخميس فى مدينة حفر الباطن وبذات فى (سوق السمن) مضاربات محمومة على مكائن الخياطة القديمة جدا ذات شعار (الاسد وسنجر) الدرجة ان سعر الواحدة وصل الى 110 الاف ريال وهذا امر جدا غير معقول وبدات الاشاعة فى الانتشار فى امكان كثيرة جدا الدرجة اننى ذهبت اليوم قبل صلاة المغرب الى (حراج الاثاث القديم فى الخبر) بعد ان قام احد الاصحاب من هناك بالاتصال ووجدت الجميع يتكلم عن ذلك وقلت لعلى اجد كم حبة اشتريها وارسلها الى هناك قبل ان تصل الاشاعة ولكننى حضرت ووجدت ان الجميع يعلم عن ذلك وكان هناك صاحب محل لدية 8 مكائن ولايعلم عن هذة الفرصة الا هذا الصباح ولايريد البيع لاحد ونصحتة ان ياخذ تلك المكائن ويذهب ويبيعها هناك قبل ان تنتهى الحفلة وقال لى لو حضر عندى شخص قبل يومين ورغب بشرائها بخمسين ريال للواحدة كان بعتة وانا ربحان ومع هذة الحركة هناك الكثير من الاشاعات التى تدور سوف اذكر لكم ما ترشح منها ومايدور فى المجالس واتمنى من الجهات الامنية فى حفر الباطن متابعة مايحدث ومن المتسبب بها [/align][align=center]

والاشاعات على النحو التالى:

1-مجموعة من التجار يرغبون فى تحقيق مكاسب خيالية من خلال نشر هذة الاشاعة على حساب الكثير من السذاج من ابناء البادية هناك والذين اصبحو من يومين يشترون ويبيعون فى تلك المكائن بمايملكون وهذا يذكرنا بسوق الاسهم وسوف يخسرون اموالهم كما خسر الاخرين فى الاسهم.

2-غسيل اموال من قبل تجار المخدارات التنظيف اموالهم.

3-يوجد فى تلك المكائن الزئبق الاحمر وبكميات قليلة جدا وربما يتم شراء هذة المكائن من قبل جهات تريد الاستفادة منة

وانا يدور فى تفكيرى ربما تكون الفئة الضالة تم تضييق الخناق عليها من جهه التمويل وبدات تستخدم هذة الاساليب من اجل جمع الاموال بهذة الطريقة بعد ان اصبح التمويل الخارجى مكشوف ومعروف من اين ياتى (الله يحفظ بلدنا من كل شر)

بالفعل نحن شعب من السهل الضحك علينا واتمنى من الجهات ذات الاختصاص التدخل ومعرفة السبب فى هذة الحركة التى تريد سلب اموال السذاج من ايديهم


منقووول[/align]