امل مفقود وحلم فاضي

رسمت الامل بعيونها والامل مفقود
بنفس المشاعر مير بيٌن حلم فاضي

نوارس على مينا الشعر والهدوء يسود
سواري شراعي ما تهادن ولا تاضي

وعشنا على همس المسا والعيون السود
كأن المسا زعلان والصبح مو راضي

وأبدا حساباتي ويغدي الامل مولود
تسارع نبض قلبه على صفحة الماضي

تمنيت نفسي يتسعها الرجا ويعود
واعانق مساحات الشعر واحضن الفاظي

غريب الهوى لا صار موجه بعيد حدود
يثير الجدل في غرفتي واكثر اغراضي

تدلى مثل قطرة ندى بآخر العنقود
وطارت فراشات الوله لآخر ارياضي

وقالت تعال اكتب وقلي وش المقصود؟
وجيه الدما مع سلطنة عمك القاضي

تقزز مشاعر حبنا والغلا موجود
كأنها اشمئزت ما تبي تارد احياضي

شباري حروفي تكتسحني واجي ملهود
إديني على صدري و الهث ومغتاضي

وشفت الورق وشلون يذبل وشفت العود
تمايل على اهداب الشجر والغصن ناضي

إلى حد ما يثمل قصيدي يبنت الجود
تعالي قبل ليصير هذا الحلم فاضي