من لا فرش للمرجله ......... لا تغطيه

ابيات شعر فيها حكم
هذا القصيد اللي عليه الكلام ..


ياكثرهم .. لا قلت لك .. عرفة وجيه
وياقلهم .. لا قلت .. قـدر ومعـزه
رجلٍ .. تعزه بعد ماتلتقـي .. فيـه
ورجلٍ .. قبل ماتلتقي بـه .. تعـزه


ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه


.. ورجلٍ يموت ولا يجيبون طاريـه
ورجل ٍ .. يجي طاريه في كل حزه


ورجلٍ يهزه .. بعض موقف ويشقيه
ورجلٍ .. مهوب أيّات موقف يهـزه


ورجلٍ .. ضعيف .. ويستفزه معاديه
ورجلٍ .. كلام اعـداه .. مايستفـزه


ورجلٍ .. تلزه يعترف لك بخافيه
ورجلٍ .. على خافيه .. محدٍ يلـزه


ورجلٍ .. يوزونه .. ويزعل بنيخيـه
ورجلٍ .. يزعّل من يحاول ، يـوزه


ورجلٍ .. تكزه لا زم انك توصيه
ورجلٍ .. بليّا ما توصيـه .. كـزه


من لا فرش .. للمرجله ماتغطيه
ومن لايخز .. الناس .. محدٍ يخـزه


ان كنت تعرفني فهي .. عرفة وجيه
مو شرط لك بالقلب قدر .. ومعـزه





للشاعر // خلف المشعان العنزي

المشعان شاعر كبير وظلم في شاعر المليون

شكرااا لاختيارك الراقي والجميل

((لاأقووول الا صح لســـــــــــــان خلف المشعان))

وسلمت على هالنقل الممتاز

خلف المشعان ربما أغتر قليلا رغم شاعريته المفرطه

فقال ((ماني خلف ان ماجبته وتناسا ان المسأله مسألة تصويت))

((لايعني فوز شاعر المليون باللقب انه اشعرالمتسابقين))

((برنامج تافه في نظـــــــــــــري))

شكرا أخي الفاضل أبو عيسى الفحيماني
والأخ نديم الشمال مروركم أسعدني