والله اني كل ما فارقت نورك يالاصيل
ما اشوف الا دموعي والجروح الخافيه
مثل شوف اللي غشاه الموت واضناه الرحيل
يوم وارته المنيه ومات ميته وافيه
ويا وجودي وجد خلَ(ن) صاح من فرقا الخليل
صار كنه في مهبك يالرياح السافيه
ويا وجودي وجد شاعر قد دعاه المستحيل
لا عرف حد القصيده ولا ختمها بقافيه
ويا وجودي وجد شيخ(ن) مقعد وجسمه عليل
فات جيله من يشيله صار فوق الهافيه
ويا وجودي وجد رجل(ن) قانع بشي(ن) قليل
كابد العيش ابجلاده والحياة الجافيه
ويا وجودي وجد طالب حق من رجل(ن) بخيل
ضاع حقه عند كذبات الوعود النافيه
آه وآويلاه وآعزاه من حر الغليل
والتماسيح الشريره بالمياه الصافيه
لو بخصتك يالمعادن عارف(ن) قدر الاصيل
وان علاجك يالمشاكل بالحلول الشافيه
ما لبسنا القبعه بالحرب والريش النحيل
وش بدينا والجروح اللي معانا كافيه
ينكسر وجه الردي ويبور تكتيك العميل
والارانب جا عشاها في ظهرها هافيه
المهم اني كتوم(ن) صابر(ن) صبرا ً جميل
ما ابي اية علاقه بارده أو دافيه
واشهد ان النيل دمعي والفرات اصبح يسيل
وامتدادي كالطبيعه واعتبر جغرافيه
ما تطوسن هالمعاني في رحيق الزنجبيل
وما تسوسن هالسنابل والطحالب طافيه
واجتهادي بتكره للوقت والوضع الذليل
استريحي من عذابك يالعيون الغافيه
بعتقادي العيش دايم تحت اقدام النخيل
انه ابرك من حضاره تحت حكم المافيه
سامح الله رجل مخطي بس حافظ للجميل
ما تزحزح من مكانه يالهموم اللافيه
انتهازي وانحيازي والقضيه حب هيل
والعراقيل الكبيره والرجيل الحافيه
المصيبه يستضيف الفيل آفات الهبيل
ومعجزاته امر خارق للامور الضافيه
ابك واقع قام واقع في محيط الارخبيل
ما تخيل هالمبادي تتجه لاهدافيه
يا الهي الوضع كايد والحمل شي(ن) ثقيل
اطلبك يارب عفوك والهدى والعافيه
المافيه
العرض العادي
