الشات والعميري(قصيده)

يقول شاعرنا ابو عمر
في احد الايام دخلت على شات كتابي
وبما اني لست ممن يرغبون الشات لكنه حب الاستطلاع
واكتشاف هذا العالم الشاسع من خلف الشاشات والحقيقه
كان شي ماهو طيب الاكلام غزل بذيء وارقام جوالات قلت الله المستعان
انا وين جيت على هالبلوى المهم قلت يااخوان هذي مايصير اتقوا الله
والا ذيك البنت تنطي لي وتقول خل الناس تحب الناس انت مالك قلب مثل هالناس.
فقلت هذه القصيده .

لاتسأليني كيف مااحـب واختـار=قلبٍ بليـا حـب ميـت ضميـره

احب بنت الناس في داخل الـدار=واحبهـا فـي دينهـا مستنـيـره

احبهـا دره عـلى قـاع الابحـار=من دونها مـوجٍ تعالـى هديـره

واحب شيهانه على كـف صقـار=ومن عادة الصقار مسبوق طيـره

الحب ماهو كم صورت الافكـار=احدٍ لعب بالحـب واحـدٍ اسيـره

ماهو لقاء خلف الكواليس واشعار=الحب اسمى مـن معانـي كثيـره

ماهو معرفة شات واعجاب وحوار=اوضحكةٍ عبر المسنجـر خطيـره

كلٍ يجي حبه على حسب الاعمار=وحب الشرف نهج الجموع الغفيره

(........) يابنـت الاجـواد صبـار=بعض الامور المغريـه ماتثيـره

شغلاتكـم حنـا عليهـاترى اكـبـار=سرنا نميز صوفها مـن حريـره

خايف تسيري صيده لذيب مكـار=في كل يوم لعـرش قلبـه أميـره

المسأله فيها جحا دق مسمـار=كلٍ على جدران بيتـه ستيـره