يا محمد بن فطيس .. !!

مدخل ..//

الضيقه اللي دايماً تالي عصير
وش حيلتي وأردها لاتجينـي

((محمد بن فطيس))

يامحمد بن فطيس ..// ضيقتك ذي خير
شف ضيقتـي ..// مافارقتهـا سنينـي


أن كان حزة ضيقتك ..// تالي عصيـر
وش هقوتك لاصار يومي ..// حزينـي


لادمـع يهنينـي ..// ولابـه تباشـيـر
تقول جفت دمعتـي ..// وسـط عينـي


أدوس جحر الداب ..// وأمشي على غير
لايمتـي يمـه ..// ولا بـه عويـنـي


وأشوف موتي واقفٍ لي ..// على السير
متباشـرٍ فـي جيتـي ..// يحتريـنـي


سبايـبٍ قفّـة ..// عـلـي المدابـيـر
إليـن شلتنـي علـى ..// جمرتيـنـي


من دون لاميز صواب ..// ومخاسيـر
جتني تناشبنـي علـى ..// وجهتينـي


يحير منها صاحب الـراي ..// وتحيـر
حتى العجوز اللي تشوف ..// اليدينـي


مشاكل الدنيا ..// بلتنـي وأنـا صغيـر
مابينـت حتـى عجايـز ..// سنينـي


وشلون مدري بينت بـي ..// مظاهيـر
شيبٍ على صفحات وجهي ..// يبينـي


يامحمد بن فطيس ..// مابـه محاسيـر
في وصفها تشبه محاسـر ..// جبينـي


مع ذا أناجي ..// خالقي خيـر تعبيـر
وتعانق النجمـات ..// راحـت يدينـي


يـارب مانـي جـازعٍ ..// للمقاديـر
راضي على المقسوم ..// واللي يجينـي


لكن طلبتك تبـدل الشـر ..// بالخيـر
وتبـدل العسـرات يسـرٍ ..// ولينـي

مخرج ..//
يعني على هذا ..// الطريق
نطيـق وإلا ..// مانطيـق
الفرح ضيّع ..// طريقـه
والورود إبلا ..// رحيـق

((عبدالله بن غيث)) ..!