خذني تعب . . خذني شقا . . خذني إحزان

[align=right]خذني تعب . . خذني شقا . . خذني إحزان
خذنـي جريـح شعـور ماتـت أمانـيـه
بالمختصر . . خذني معك غربـة إنسـان
الجـرح . . إبـرز شـي داخـل معانيـه
الوقـت ضـدة ويـن مـاراح أو كــان
يعزف على وتـر الشقـا لحـن أغانيـه
تعال خذنـي . . لـو تكرمـت بإحسـان
إنسـان عانـى فالزمـن مـن تفانـيـه
ضحـى بحياتـه ولا لقـا غيـر نكـران
وهـذا الـذي دايـم أنـا اللـي أعانيـه
وتعبـت أعانـي جـرح أحبـه وخـلان
وتعبـت مـن وقـت هـدم حلـم بانيـه
تايه . . وأدور لي وطـن بيـن الأوطـان
أعـيـش فـيـه وتحتظـنـي مبانـيـه
أحتـاج أنـا مـن دنيتـي بـس الآمـان
وقلـب أهيـم بخافقـي فــي موانـيـه[/align]