هذا النصيب الي انكتب

ياا شاغلٍ فكري لي سنين مجروح

أنت السبب لولاك ما شغلت بالي
ملتاعةٍ ما شفت بأيامي افروح
هليت دمعي منك بتلا الليالي
دورت غيري بالهوى كل مملوح
الله واكبر كيف تعشق بدالي
سميت روحي وأصبح الحال مطروح
ما كنت اصدق فيك تد فن خيالي
موت رغبة خاطرٍ كان مشروح
قتلتني وأنهيت غاية آمالي
أرخصت لك دمعٍ على الخد مسفوح
وكشفت لك حزني من اللي مضالي
غدرت بي عقب الغلا دون مصلوح
صممت تهجرني وتقطع وصالي
يا ما كتمت الجرح صابر على النوح
ما كان قلبي عن طواريه سالي
أخلصت لك وأهديتك القلب والروح
رفعت مقدارك على كل غالي
لا تعتذر يا سيدي روح مسموح
كدرت مشروبي عقب كان حالي
فات الأوان وفيك عزيت أنا الروح
لا مااستطيع ارجع عقب ماجرالي
قفلت بابٍ كان وياك مفتوح
ولا عاد لك بحلام ليلي مجالي
هذا النصيب اللي أنكتب لي على اللوح
ما ني حلالك لا ولا ا نته حلالي
عسى ألسلامه وجهتك وين ما تروح
صافي ولا قلبي لكم يوم شالي

[align=center]

ما ني حلالك لا ولا ا نته حلالي
عسى ألسلامه وجهتك وين ما تروح
صافي ولا قلبي لكم يوم شالي

صح لسانك أخي خالد ..[/align]

[align=center]
باين ان القصيده لبنت ..!


جزله ولاهنت ع النقل
[/align]

اشكركم على مرووووووووووووركم
بس زعلتوني
من قال اني ولد
هههههههههههههههههههههههههههه
انا الجرح خالد ،خالد كصفه مو اسم