باقي لابو عوده مكانه وقدره

[poem=font=",7,,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]

باقي لابو عوده مكانه وقدره=باقي كأنه بالمشاهير مامات
والله يوسع له مكانه بقبره=ويغفر بفضله عقب فرقاه مافات
رجل ٍ قضى في مكسب الطيب عمره=حتى غدى له مكسب الطيب عادات
لو كثرت الضيفان ماضاق صدره=لو ضاقت الدنيا على يده ساعات
يحلف على واحد وخمسه وعشره=وغــدّى على كيسه من الناس ميات
ماهمه من المال قله وكثره=الي يهمه واجب الضيف بالذات
كريم نفس وله بها العلم شهره=وتشهد على ماقلت كل الحويطات
يسعى لاجل جمع الجماعه بخبره=ويضيق لو يلقى مع الناس ضيقات
يازين وقفاته وياطول صبره=حتى خطاهم ياخذه نوب بسكات
كله لاجل جمع الجماعه وعذره=ان المعزه ماتجي بالخصومات
بالعين له دمعه وبالقلب حسره=تفرض تواجدها على النفس حزات
لادار بين الناس علمه وذكره=أخذت من حزني عن الناس سجّات
مار العوض يبقى عياله وبذره=ناس ٍ لهم في حزة الطيب وقفات
يارب يسر له ثوابه وأجره=وتجزيه عن طيبه مع الناس جنات
جنات عدن ٍ في نعيم ٍ وخضره=في جيرة المعبود رب السماوات
[/poem]