حلفت أقطف لك الغيمه .. من أغصـان السمـا .. لرضـاك
و أجي و أعصر .. لك مزون الغلا .. و أبل لك هالريق
مع أن الغيم .. من شافـك تحـت ظلـه .. بـدأ يضمـاك
شف نجوم السما .. لا من غفَـت عينـك .. عليـك أتويـق
تعـال .. أعلمـك كيـف القصايـد تحـتـري .. لقـيـاك
تعـال .. أنسولـف بقصـة هـواك .. ورحلـة التشويـق
كتبت الشعر لجل أرضي .. شعور ٍ داخلـي .. مـا جـاك
و جاك ..!! و ما كسبت إلا الولَه .. مـع ضجّـة التصفيـق
غمّض و اركب أحلامك .. و شفنـي محتريـك .. هنـااااك
لعـل الحلـم يجمعنـا .. و أضمّـك مـن قبـل .. لاتفيـق
طموحـي بالحيـاه أكبـر .. مــن المعـقـول و الإدراك
و إنـت أكبـر طموحاتـي .. و حلـم ٍ يرفـض التحقيـق
أنا و قلبي نضيق .. ولـو بغيـت .. ألقـاك ..؟ مـا ألقـاك
و أنـا .. أوّل مـن بتلقـى .. لـو الدنيـا عليـك أتضـيـق
روح بدنيـتـك كـأنـك .. سلـيْـت ونسّـتـك دنـيـاك
حبيب ٍ شالك بقلبـه .. كمـا شـال .. الريـاض .. طويـق
عزمتك داخل ضلـوع ٍ .. تصافـق من غــلا .. و حيــّـاك
تعال .. اختـر مـن أعماقـي مكـان .. و خابـرك ( ذوّيـق)
تعال إلعب علـى روحـي .. تمـون ومـاحـد ٍ ينهـاك
تعال .. ( إعرج ) على عيني وأنا بكـون لـك ( صدّيـق )
ترى هالشـوق ضـج ّ بداخلـي واهتـز ّ .. مـن ذكـراك
مثـل مـا زاد .. دهـن العـود .. طيبـه كثـرة التعتـيـق
تعبـت أعاتـب إحسـاس ٍ .. بقلبـك مـا قــدر ينـهـاك
و تقفي ْ .. و إنت غارق في جفاك .. وساهـي التحديـق
تـروح وتتـرك بدربـك .. خفـوق ٍ للقـى .. يضـمـاك
يا أخي .. ما أبي .. أروى .. أنا أبغى بس ( بلّـة ريـق ) ..!!
حلفت أقطف لك الغيمه .. من أغصـان السمـا .. لرضـاك
العرض الشجري