فضفضة4(أبشركم)

بسم الله الرحمن الرحيم

مراحب يا آآل حويطات .. اعتذر عن الغياب المفاجئ بسبب عطل ف جهازي المسكين
لكني جاية اليوم وابشركم
واخيرا فعلتها .. ورحت السوق انا وأختي ومرت اخوي وأمي .. يعني رحنا السوق بالجملة
تاريخ يوم الخميس كم 23/9 .. وانامعي الـ500 من تاريخ 16/9... يعني أسبوووع ,,والله انجاااز لحفظ القروش وابشركم زادة 75 ريال وكله بشطارتي ما قمت اشتغل لهم ببلاش ههههههه

المهم بعلمكم ع طوول كيف رحت السوق

نزلت رواتب السعودييين العاديين .. واخوي واعدني يوم الخميس بيودينا للسوق .. ارسلت له رساله قبل بيوم الثلوث .. قلت يمكن يحن ويغير رايه الرساله تقول ( حبيبي يا خوي ....الخ أول مرة ارسل له رسالة فيها حبيبي .. }}مسوية انصب عليه .. ) واخرتها ما عطاني وجه حتى بالرد ع الرسالة ,, كان نفسي وقتها ادخل ع الرسائل المرسلة بجهازة وامسح كلمة حبيبي .. ياني ندمت عليها بشكل }} بس خلاااص اذا فات الفوووت

وجا يوم الخميس مدري كيف قضيت نهاره بس الوكاد اني كنت مبسوطة يومها .. وودانا أخوي فديته للسوق بعد صلاة العشاء وهذي اول مرة لان أمي معنا.. دخلنا السوق وأخيي معنا .. ومن دخلته وانا مفهيه أمي راحت ع طوول عند حق الحلويات والمكسرات .. الله يهديك يومه ماكان وقتة بالمررررة ... ووقفنا عنده يجيلها ساعة وهي تطلب وترجع وتزود وتنقص ما خلصت غير وهي واااصلة معي.. اشوف المحلااات قدامي وماني قادرة ادخل واحد..كله بسبة النظام ( كلنا مع سوى ) هذي لهجة اخوي الجديدة للسوق ههه .. ..
السوق كان زحمة موووت وريحة انفاااس العالم وع وع وع تجيب الغثيااان }} للغطاء فوائد هنا
.. والمحلات كلها نفس الشي التغير بس بالديكوور .. بصراحة ما عجبني شي .. تذكرت كلامك يا بنت الموسي يوم قلتي تستعجلي ع اسواق تبوك ليه ؟؟
فرينا وفرينا حرمت اخوي اخذت لها ولعيالها .. اختي الصغيرة اخذت انا لها ع ذوقي ,, وامي مدري وش اخذت السوق كان ع حسابها ذاك اليوم .. وانا .. كسرت خاطر نفسي .. مالقيت شي حلوو.. امي جلست تتكلم وتقول هذا انتي السوق بكبرها ما يعجبك واخرتها تنقي اطفس شي .. قلت لها يمه السوق كله خلااااقين .. بالله هذي ملابس .. أخوي مدري هو رحمني ولا ما عجبه الجوو بالمجمع هذا ( احسني الظن )قال يله مشينا نروح سوق ثاني .. فرحت وطارت عيوني من مكانها .. وقلت وكلي فرح ,,,وين ,, قال امشن وبس .. ( وين كلنا مع سوى ) ..
طلعنا ورحنا لمجمع ثاني .. نفس الزحمة وكن الناس مو لاقيه هدووم ع قولت امي .. بس الروايح اخف شوي .. فرينا وفرينا .. وشفت الهوايل وانا افر وش بناات يالله لك الحمد شوهن انفسهن بيديهن ..}} مدري وش الشي الي (متمز) ورى روسهن !! اموت واعرف من الي اخترع للعباية هذي اللبسة .لا والعيال .. الحمد لله والشكر ماهم مخلين لنا استشوارات بالسوق ,, الشعر يطير من النعومه والكشخة بالجنزااات وريحة عطرة الرجالي تشق خشومك أصملله ع اخيي مسوي فيها كاشخ لابس ومتعطر من عطر امي .. بس ع الي شفته حتى هو مو هين خشمة صاير يلمع تشوف وجهك فيه !!
وبعد فررر وفرررررررررر
واخيرا لقيته .. طقم بينك كان معلق ع البترينه من برا .. قلت بفرح الله ما احلاه .. يمه خلينا ندخل .. ودخلنا ولقينا الي ف المحل يماني كالعادة ف معظم اسواق السعودية قالت له امي هذا بكم واشرت ع الي نفسي فيه .. كان يقول لها هذا طقم جديد وحصري للمحل بس من مصمم عالمي وسعره من الحين اقول لكم غاالي شوي ( انا فكيت فمي ,, وين احنا فيه حصري ومصمم عالمي وكذا يعني ) كان اجي لعند امي واقول ما معي الا ثلاث مية .. خليه ينزل .. كان تطالع فيني وتقول وين طارت الـ500 قلت ودي اشتر جزمة وانت بكرامة وشنطة واقص شعري }} الاخيرة قلتها بقلبي ..
كان امي تساله بكم خلصنا .. قال ها بـ450 .. طارت الخمـ500 كلها الله يستر .. كان تطلع امي من بوكها ميتين وقالت هاتي الي معك .. عطيتها واخذنا التايير بعد ما عطيناه المقاس وطلعنا وانا متشققه من الونااسة .. مرينا محلات الجزم وانتم بكرامة

واخذ ت الي ابيه بدوون فرة راس هالمرة ..لا ورجع معي من الـ500 / مية ريال تصورو .. }} ماقلت لكم السوق معي بسهالة
..
ركبنا السيارة وانا ريقي ناااشف قلت ما به عصير مويه أي شي .. قالت امي أي والله عطشانين .. وقفنا عند سوبر ونزل اخوي .. وكان نفسي انزل ب س حكم القوي ع الضعيف .. امي بالسيارة تسب وتلعن بها الاسواق (ماكأنها ماخلت شي ماشرته لجدتي وخالاتي).. مرت اخوي تجاملها كالعادة ... واختي الصغيرة عيونها تنفخن جت نومتها .. وانا احاول ابرر لهن ان الاوقت تغير والدنيا تقدمت ..و,, والخ
ليمن جا اخوي وبلينا ريقنااا..


وصلنا البيت .. كلن اخذ الاكياس الي تخصه وراح لغرفته .. ولكم ان تتخيلو حالي ,, اقوس واتنقز من الفرح ,, البينك طلع علي جناان .. والجزمة جت معه حكاية وخيال .. باقي نقص الشوشه واصير الليدي عزوف ههههههههه
بس الشوشه هذي بيلها معاريض وواسطات حق اموميتي الغالية .. كيف .. اقنعها ,, وأقصه .. بدون ما تزعل }} مسوية فيها البنت الاكوس شي .


فكروو معي لا هنتوو(المية لين الحين محافظة عليها ) ومابقى عن العيد شي تهي تهي




احتريكم