يالي دفنتوا جثته ليه تبكون؟

ياللي دفنتوا جثته ليه تبكون ؟
لولا الحياء لاقول معكم خذوني
منه أنحرمت وكنت أنا عنه مسجون
ماأذكر لمحته غير مره بعيوني
شفته وكانت فرحتي لها لون
عجزت لأوصف من لمحته شجوني
ياليتني كنت الكفن يوم تمشون
أبقى معه بالقبر ثم تدفنوني
أو ليتني من خلفكم كنت مجنون
أتبع خطاكم والعذر هو جنوني
أبكي وراكم وأدعي إن كان تدعون
مايكفي إنه عاش عمره بدوني
تكفون هاكم عمري اليوم تكفون
برخص حياتي دام خابت ظنوني
مافادني صبري ولافادني عون
ولافادني دمعن حرق لي جفوني
يامابكيته والبكي يحرق عيون
ميت أو إنه حي دمعي بعيوني
العام كان بفرحتي يعزف ألحون
واليوم تحت الأرض ماهو بكوني
لكن أنا في فرحته كنت مدفون
فوق الثرى واليوم موته سجوني
سميت قلبي عقب فرقاه ملعون
هو والليالي عن هناه منعوني
ياليتني ماعشت لحظه بهالكون
وياليت ربعي في سكات ذبحوني
وياليتكم عن همي اليوم تدرون
منه أنحرمت ومن عزاه إحرموني
حتى بوفاته يوم أنا طحت مطعون
أخفيت طعناتي قبل لايفضحوني
بكيت لكن ماتظاهرت بالهون
أبكي وأقول:الموت هو سبت طعوني
وإن كان في حبي أنا ماتحسون
دلوني لقبره وهناك إتركوني
أتمنى تنال إعجابكم و تعطرون صفحتي بردودكم
__________________

ياليتني ماعشت لحظه بهالكون
وياليت ربعي في سكات ذبحوني

ابدعت في الاختياآآآآآآآآآآآر اخي ضمير متصل
قصيده رائعه تسلم الايادي على مانقلت لنا
في انتظار جديدك

سميت قلبي عقب فرقاه ملعون
هو والليالي عن هناه منعوني

صح ذوقك على الانتقاء ضمير

وننتظر كل ما يروق لك ..

ودي..

يعطيك العآأإأآفيه
جميل مانقلته لنا
دمت بسعاآإأآهـ

لكم كل الشكر على تواجدكم