هذي ابياتي عن العطاله

هذي ابيـــــاتي عن العطاله وموزونه ..

بالعتاب ابدا سلامي .. والعتاب اصلاً فقير
وأختمه بالحق .. وأهل الحق ماهم ظالمين
يابلادي .. يابلاد الأمن والخير الوفير
ياملاذ التايهين .. أمثال زين العابدين

لك اردد ياسلام الله على الصدر الكبير
بك أجدد امنياتي .. ياعلى الله تسمعين
بالعطا ماشفت منهو يشبهك مهما يصير
تسبقين الكل في لهفه .. وحلمك توصلين

توهبين الجود / وانتي جود / لكن جود غير !!
نظرتك دايم بعيد .. ومن بحضنك تايهين
خيرنا مثل المطر / يمطر على ديارٍ كثير
ياسقا الله ديرتي .. مافيه بديارك حزين

شعبك ( الأول بلا استثناء ) يشرب من غدير
ماعطش واحد بصحراك الكبيره من سنين
فيك عدل .. وفيك حب .. وفيك مرتاح الصغير
من طفولتنا وكل أحلامنا .. تلقى معين

ماخطر في بال واحد من عيالك يستخير
يعرف إنّه بالنهايه .. في بلاده مستكين
طيرنا دايم جناحه بك قوي / ماهو كسير
يكفخ بعالي سماك .. ولا يجيب الا السمين

نسقي الأرض بدمانا .. عزوةٍ من دون ضير
في معالي المجد نرقا / نحمي البيت الأمين
مانساوم يا بلادي / لو غدى منّا عسير
كلنا صفٍ موحد .. في وجيه الغادرين

لكن اللي يقهر العزّه .. ويرميها ببير
هو تعامل كبريائك / مع غلابا ( عاطلين )
يوووه ياوضع العطاله / شوف هالجمع الغفير
كلّهم يرجون لقمه / من عرق هذا الجبين

يابلادي صحصحي وضع البلاد اصبح خطير
وأطرف أبنائك كأنه من بقايا لاجئين !!!
يابلادي مايصير .. العلم / في درجي أسير
والشهاده في عداد الموت .. تالي هالسنين !!

مالكٍ وضعي ( قياس ) ولآ أمل حتى الأخير
مستحيل الحلم يكبر .. والهدم / عينٍ بعين
ياقياس الله من فوق السما وحده نصير
ياعسى ظلم العباد يبان في يومٍ مُهين

خطوتي شاخت / وحثّيت المشي / أبغى المسير
ياعسى دربٍ مشيته .. تالي الرحله يزين
يابلادي .. يعلم الله .. هذي الديره بخير
بس منهو يزرع البسمه على الوجه / الحزين

منقول

وتبقى البطالة هم الشاب السعودي يبحث عن حل لها حتى ولو كانت بأبيات من قصيد . لقد تفشت البطالة بشكل كبير
وأصبح على المسؤلين النظر في وضع البشر فحرام مايعانية الشاب السعودي بسبب التكدس الأداري الغير مجدي في
أيجاد الحلول لمعالجة مشاكل الشباب السعودي من خلال أيجاد ملاذ يجعلهم يشعرون بالمواطنة وحب الوطن لهم
وإشاركهم في صنع المستقبل وتوفير لقمة العيش لهم لتكوين الحياة الكريمة من أسرة وبيت وغيرها بات أمرآ ضروريا
قبل أستحفال الوضع والندم غدا في أهمال الشباب بهذا الشكل وحذاري من أن تكون الصحوة بعد فوات الأوان مثلما هو
حاصل الأن في جدة .
تحياتي لك اخ عبدالعزيز على النقل

أبيات لله در الأبيات
أبداع أخوي عبدالعزيز
الله يغير الحال للأفضل
تحياتي

الافق """معالي الشمال

اشكركم ع تواجدكم هنا والله يغير الحال حتى لو كان الامر محال

يابلادي صحصحي وضع البلاد اصبح خطير
وأطرف أبنائك كأنه من بقايا لاجئين !!!
يابلادي مايصير .. العلم / في درجي أسير
والشهاده في عداد الموت .. تالي هالسنين !!

سلمت يداك عبدالعزيز على النقل الهادف ....

فزاع الحويطات
اشكرك ع تواجدك الدائم