قصه وقصيدهـ ... تعور القلب .. تكفين ياالطير الحرار افزعيلي

هذي القصيده حزينه وتبكى ....
وهى قصه طويله بس اختصارها ،،
ان امراه كانت متزوجه وتزوج عليها زوجها من وراها وجاها بالبيت وقاله ابيك تروحين معاى للسوق تشترين كل شى بخاطرك ويعجبك
المهم الحرمه المسكينه شرت كل شى حلوو عجبها من مكياج وملابس
ولما جوو البيت
قالها زوجها وين الاغراض اللى شريتيها
قالت له ليش قال الاغراض مولك للمره الجديده وكنت ابيك تشترين الاغراض بنفسك
لانى انا ما اعرف اذواق الحريم وانتى اكيد ذوقك حلوو
الحرمه ماتت من القهر
وطاحت بالمستشفى وخمس سنين وهى بالمستشفى فى غيبوبه
سبحان الله الحرمه صحت بقدرة قادر بعد خمس سنين ......ولما سالت الاطباء وسالت ..فى
احد زارنى قالولها لا محد زارك
وقالت القصيده

***************
هذى هى القصيده ......
تكفين يا طيور الحـــــرارافزعيلـى
...........................ابى عن ديار الاهـل منـك اخبـار
تكفين حومـى فوقهـم وارجعيلـى
........................... وإلا ان حصل لك حومه داخل الدار
تكفيـن حـول بيوتهـم دوريـلـى
................................سبعة فروخ يـوم اخليهـم صغـار
شوفى ضناى وعودى وانكفى لـى
................................واشلونهم يا علهـم صـارو كبـار
نسوا دفاي ونومهـم فـى شليلـى
..............................وش علمهم يا علهم بطول الاعمـار
قولي لهـم ان امكـم لها عويلـي
..................................خمسه سنيـن دمعهـا دوم مـدرار
وقولي لهم إني علـي طـول ليلـي
....................................أنوح وليـا قـرب الصبـح أنهـار
وقولي عيوني دايمـا لـه هميلـي
....................................تبكي ليا شافت مـن النـاس زوار
كل يوم اقول غدى حديهـم يجينـي
..................................راحت سنيني مابهم واحـد(ن) زار
وانا اللي من سبت سوات الحليلـي
......................................حالـي تـردى كـل مالـه وينهار
وفرقا ضناي اللـي تـردت بحيلـي
...................................كني على شوفتهم اصلى على نـار
ياويلـي كـان الله عجـل رحيلـي
.................................وانا لي سنين ابـي لو هـي اخبـار
ياعونة الله من يبـي يرتكيلى
................................ لـيا جارت علي بأمر الله كـل الأقـدار
تنكـروا مـن يدخلـون الدخيلـى
.............................واللي بوسط ديارهم يامـن الجـار
قولي لهـم ياطيـور قلبـي عليلـي
............................الله يكافي قلوبهم صـارت احجـار
وانا اللي لبراق الخيـال استحيلـي
................................واقـول ياعـل ديرتهم للأمطار
تكفيـن وسـط ديارهـم صوتيلـي
.............................شوفي عسى لأسمي مع الناس تذكار
وقولي لمـن نسيانهـم يستحيلـي
...............................ياللي نسيتوها تـرى الوقـت دوار
ياهيه ياللـي بالسمـا لـك هديلـي
..............................ردي خبـر تكفيـن يكفـي امـرار
شوفي هاك اللي نومهم في شليلـي
...................................من اذان المغرب لوقـت الأسحـار
شوفي هاك اللي ماتهنى في مقيلـي
.................................إلا مقيـل معهـم كبـار وصـغـار
وقولي لهم ان كان حملـي ثقيلـي
...............................مره يجون وعقبهـا شـي ماصـار
وانـا يتولانـي كريـم(ن) جليلـي
................................ياعلني فـي جنّـة وسـط الأبـرار

وســــلامتكم....
منقوووووله

راااائعه مانقلت لنا يدك رقيقة

ويبقى قلب الام مهما طال الانقطاع حنون

كل الشكر اختِ لطرحك الجميل

ودي...

العفـــــــــــــــو عبدالمجيد ربي يسلمـــك
الروعه مرورك ... اسعدنــــــــــــي كثيرآ
تح ــــــــــــــــيآتي لك

من جد قصيدة آليمة

وأكيد هذا الانسان مُجرد من كل الأحاسيس

انتقيتي فأبدعتي

دمت ِ بسعادة












الذيب

رقيقة المشاعر.شكرا على القصه والقصيده والتى تثبت ان بعض القلوب قدت من الصخر وجبلت على الغدر.فما حدث لهذه السيده المسكينه ماساه بكل ماتعنيه الكلمه وتترفع عن فعلها حتى الحيوانات...ابعدعت واحزنت .تحياتى

قصه محزنه اشكرك على النقل

قصه مؤثره وقصيده اكثر تأثير
وبصراحه رجل مثل هذا مايستاهل انها تمرض بسببه
صحيح ان الشرع حلل تعدد الزوجات ولكن بالعدل
والأسلوب اللي سواه مع زوجته في منتهى الحقاره حتى الحقاره تزعل عليه فالحقاره اشرف منه ( وخرو عني تروني معصب من هالرجال ) لو امسكه بس افففففف


قال رسول الله صلى الله عليه وسلم : استوصوا بالنساء خير . فأين هو من هذا الحديث ياويله من الله .
شكراً لك على ايراد هذه القصه
ولك تحياتي ،،،،