(غــــادر منتدى الشيخ تيسير)

[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
قالوا تغادر منتدى الشيخ تيسير=وحنّا نصمم منتدى لك بداله
قلت العفو اخاف من منة الغير=بكره تحسبوها علينا جماله
قالوا تطمن واعرف السر في بير=ان كان ودك شيك والا حواله
قلت العهد مرفوض من راهب الدير=ينقضه لاغطّت عليه الثماله
الحمد لله مقتدر ماني إفقير=قادر اسوي منتدى باكتماله
لكن مع ربعي على الشر والخير=اخير من قولة تفرّد لحاله
مالي غنا عن طيبين المحادير=اللي يعدوا من كرام الرجاله
المنتدى يجمع وجوه المسافير=ماهو مكان السربته والحثاله
كلن من الجنسين يكتب تعابير=فيها ثقافه وانتفاع ورساله
الى متى في مضمحل التفاكير=فكر التحضر مااخترقنا مجاله
لاتفرّقون الناس ياعصبة الضير=في وقت نحتاج اجتماع وزماله
اللي يناظر من خروم المواسير=باصبعك تحجب كل شياً قباله
لوحلتها للخير ماحولها خير=لكنها والله حقد ونذاله
لاتتعب اقدامك على صاعب السير=يابُعد لندن عن روابي حجاله[/poem]