ودك عنب ولى تبي تقتل الناطور

ودك عنب ولا تبي تقتل الناطور
خلها على ما قيل ( دعوى شماليه )


أحليل منهو يلف فيه الزمن ويدور
يشيل من حلو الزمان ومسآآويـّه


ويطلع من الظلمه وعينه تشوف النور
يعقل ويتوكل ، ولا يخلف النيه


غايب ولي مده ما لفاني اشعور
مدري ؟ من الايام ولى الوجع فيّه


لو المسافه حبر .... كنا مشينا اسطور
مير المسافه فكر ، يا مبطي الجيه


قليل قالوها ترى غايب ومعذور
وكثير حطوني بهالذمه السيه


ما جابت الدنيا وجع راس يا دكتور
اكثر من اللي جابه ابن آدم إلخيّه


وشلون اكتب والقلم في يدي مسكور
وشلون اطوفها وهي ،، لا شعوريه


يا بنت والله لا مخبى ولا مستور
جانا علي بابا ،، وجونا الحراميه


تعبت من وجه ٍ تكسر وهو بلور
واحترت في كل الرجال النداويه


اوفيت واتجملت وجاني وفا وقصور
سكت وصبرت وقلت أبا عد للميه


اعيش طيب نفس واموت وافي اشبور
واعقـّب وراي الصيت والسمعه الحيه


واعقب وراي الصيت والسمعه الحيه
واعقب وراي الصيت والسمعه الحيه
واعقب وراي الصيت والسمعه الحيه
واعقب وراي الصيت والسمعه الحيه