ماهو بكيفك تواصلني وتقطعني ... إما غلا بين أو فضها سيره !!

ماهو بكيفك تواصلني وتقطعني
إما غلا بين أو فضها سيره

يا شين لا جيت تقطع لا توادعني
ليتك تحس الوداع شلون تأثيره

يا مآخذ الحب قل فيني وسمعني
حب على كبر صعب أبدل بغيره

أبحتفظ فيك وأدري منت نافعني
يمكن مع الوقت أقول محبتك خيره

والله تدري وش اللي معك دافعني
إني مع إنت أمارس آخر الغيره

وأحب فيك البرود اللي يقاطعني
لو ما تكلمت صمتك صعب تفسيره

ياللي عليك البشر شفها تقاطعني
منين ما أوجه الهقوات لك سيره

يا شينها من الخوي قولته قاطعني
ما غيره شره ولاإنت بشايف خيره

ويا شينها منك لا جيتك توزعني
في عذرك اللي على هالظرف تأجيره

شف كبر صبر البشر ما عاد ياسعني
وأكبر هموم العباد أشوفها صغيره

وش جاك مني خطا يومك تبيعني
في سوق ذقها عليك أسوقها جيره

أنا أذكر إنك إلا من قلت دلعني
القلب هانت علشانك مشاويره

يا مشغل القلب بين تحبني ويعني
شفني عليك أحترق يا سيدي حيره

مرات أقول أتركك لا شك يمنعني
شي يقول إعذره وإقبل معاذيره

قلت أحتفظ فيك وأدري منت نافعني
يمكن مع الوقت أقول محبتك خيره



‫ماهو بكيفك حمد السعيد‬‎ - YouTube


حمد السعيد

لبييه يالقصيده
لاعدمنا جديدك
لاهنت...

صح لسان الشاعر حمد السعيد
وشكرا لك ذيب الشوامين على الاختيار الموفق

هلا والله بالذيب وأختيار جميل كما هي عادتك دائما .
ولدي سؤال أخي حمد السعيد لاشك أنه شاعر كبير
وله قصائد جميله ولاكن ألا ترى أن هناك من المتسابقين
في شاعر المليون واللذين يلقون قصائدهم ليحكم عليها
حمد السعيد مع أن قصائدهم أجمل وأقوى وأدق بالمعني
والأحساس من قصائد حمد السعيد . ياخي الدنيا حضوض
وتناقضات غريبه . على العموم أختيار جميل وسلمت
لنا يالذيب . لك كل التحيات والأحترام

المشاركة الأصلية كتبت بواسطة آنفآس العشق

لبييه يالقصيده
لاعدمنا جديدك
لاهنت...

هلا وغلا خيتو
حياكي واسعدني مرورك

المشاركة الأصلية كتبت بواسطة عايض الحويطي

صح لسان الشاعر حمد السعيد
وشكرا لك ذيب الشوامين على الاختيار الموفق

صح بدنك يا غالي
وشكراً على المرور العطر

آإبيآإت بقمة إلروعه

تسلم آإنآإملك ع ألطرح
آلله يعٍطيك آلعآفيه
شكري