الشاعر / حمدان جوان المشهوري الحويطي من كبار شعراء الحويطات و له قصائد خالدة كانت شاهدة على احداث تاريخية في مسيرة قبيلة الحويطات .
و القصيدة ادناه بمناسبة المعركة الطاحنة التي حصلت بين الحويطات و قبيلة بني صخر و كانت الغلبة
فيها لابطال الحويطات.
ياراكبٍ حرٍ وضيحان منقا ... حر منقى بالوصايف عجيبي
خرج التبوكي كاملن زين معناه ...وشداده اللي بالظهر مايصيبي
كنه وضيحي جافلٍ من معشاه ... والا كما عرد الظبا المستريبي
ركابه اللي بالبواكير يقـداه ... منوة غريب الدار زين الخبيبي
كزه على ابن جازي الا جيت تلقاه ... تلقى ربيع الضيف باله طريبي
تلقى دلاله على الهيضه مجــذاه ... مجذية للاجنبي والقريبي
وعده على ابو تايه وخله معشــاه ... ماقال اهلنا جال واحنا عزيبي
وابوتايه مثل الوزير وعسكر العز تبـراه ... متحـزم بمطوعيـن الحريبـي
الى رحل كل المــظاهير تتلاه...واقفا على ديار نباته خصيبي
يرعى سحاب حيث مــارش بحماه ...يرعاه اخو عليا يباس ورطيبي
وبني صخر هل المهاراة المغذاه...وصت لها شيخانها مـا تغيبـي
وحتن الضحى وثعولها تندفق ماه...كبت مطرها في النهار العطيبـي
والظهر والله يخلف الراي برياه...وجموع ابن فايز تقفـي هريبـي
من طاح مافيه الرجا والمراجـاه...حامـت مرفـعـات السبيـبـي
حويطات ردوا عليهم ردة الذيب عالشـاه...واشبع طيور موقعـه بالرقيبـي
وتليمو كل برايه وبريـاه...وقامت تصب الراي صبٍ عجيبي
منهم يقول ودنا بجمع يـلاه...ونحيل مابين العرب والسريبي
انكاد ما طلنا الجزا والمجــازاه...منازله بالبيت منا قريبي
كلٍ على بيته معقل رعايــاه...ينخى الجدود ويطلبون النصيبي
والكل منهم يطلٌب عنــد مولاه...يقول يارب الملا ما تغيبي
والحرب ماكل الرجاجــيل تقواه...منهم يهوم وهو بقلبه مهيبي
والشيخ طلق بالمظاهير ياطاه...لما يصيرو زي جرن يطيبي
وياشــين ماقدامكم غير ماذاه...ماعمر نطاحه يثني مصيبي
وسارو كما مزن بها النـار موشاه...مزن غزير وبارقه له لهيبي
حين الضحى وثعولـها يندفق ماه...وكبت مطرها في نهار عطيبي
وكم فارسٍ زرق المجاديل تنعـاه...واقفن حزانا واشهدن عالصحيبي
ابن عطية حرب سامعيـن بطريـاه...جتنـا فعالـه بالنفايـل كسيبـي
ولي غديرالموت والنار تصـلاه...لما رموه واذا حصانه صويبـي
ويوم اشرهوا طلابه الحمد عولاه...ثنا عليه اللـي يعـز الطنيبـي
عبطان شوق ابو قـرون مـدلاه...شوق الغزال اللي وصوفه عجيبي
ومحمد اللي يذعر الخيـل طرياه...إلا شافنه تقافن هريبي
وجيزة البـدو للحضـر مـزراه**مثل الطعام اللي تكزه غصيبـي
وانتم صخور صفو حبه منقاه ...عيب عليكم قولة له نسيبي
واشهد على الفلاح منشان مطهاه...عشان فرنه والرغيف الرطيبي
ودك تلم جرود بمناسبـك ياه...وقبيلهم حاملٍ خبثٍ وطيبي
راعي حماط ودايرٍ فيه يجنــاه...ماله قواعد في كتاب الخطيبي
تمت وصلو على النبي زين طرياه...والله مصلي على النبي الحبيبي
المواضيع المتشابهه
قصيدة الشاعر جوان المشهوري
العرض الشجري