جيت البدو ثم شفت

السلام عليكم ورحمه الله وبركاته

قصيدة اعجبتني وهي من اروع ما قرأت اتمنى ان تنال على رضاكم





[poem=font="Simplified Arabic,6,black,bold,normal" bkcolor="transparent" bkimage="../backgrounds/18.gif" border="inset,4,black" type=0 line=0 align=center use=ex num="0,black"]

جيت البدو ثم شفت قطعـان الاذواد=وبيت الشعـر لازال بالمجـد حيـا
بيت الشعر يملك رصيـدٍ بالأمجـاد=رمـز الكرامـة والوفـا و الحميـا
يوم الزمن قاسي على كل الأجـواد=رمز الكرم بيت الشعر لـه و صيـا
كم خيرٍ من حر مالـه بهـن جـاد=لو الزمن جوره على النـاس سيـا
وأفيد اللي عن سيرة البـدو نشـاد=تاريخهـم فـي كـل مجـدٍ غنـيـا
للمجد مـن مـاض التواريـخ رواد=كـلٍ علـى تاريـخ مجـده و فيـا
أيامهم تمضي مثل وصـف الأعيـاد=ماهـو نفـاق أفعـال طبـعٍ بريـا
رجالهـم مالـه عـن المجـد رداد=لو جار وقتـه وافـي الفعـل عيـا
من أيام قل المال والنقـص بالـزاد=كـلٍ علـى ضيفـه كريـمٍ بهـيـا
يوم الطعام يجاب من سـوق بغـداد=والنـاس بالأفعـال ماهـم سـويـا
والطيب يوجد له زعامـات وأسيـاد=تجـود بالماجـود بالـلـي تهـيـا
يامـا ذكرهـم بالوفـا كـل قصـاد=تاريخهـم معـروف ماهـو خفيـا
وأخاف أنا من قول حاسـد ونقـاد=وإلا ولــد لاشٍ خبـيـثٍ رديــا
الحضر يوجد له تواريـخ وأمجـاد=كـمٍ شهيـمٍ بالمـراجـل قصـيـا
لا شك من زرعه لـلأرزاق حصـاد=و يسقيه من جـم القليـب الرويـا
أما البدو ياتون بـه بعـد الأنكـاد=لكـن الموفـق بالمراجـل شقـيـا
خمسة عشر ليله على الوجه مـداد=مع مثلهـن يمكـن يصيـر المجيـا
ونوب السلامة عندهم رأس الأفـواد=مع الطريق اللي مسيـره مـد يـا
والدور هذا غيـر والخيـر بـه زاد=لكن الهـوى بالجـو ماهـو نقيـا
الناس يشكونـه جماعـات وافـراد=دورٍ على الأجـواد ماهـو رضيـا
قليل بالميـدان مـن ياصـل المـاد=كل البشـر مشيـه ضعيـفٍ بطيـا
مع سوق الأسهم صارت الناس تنقاد=ولحـدٍ فهـم ممشـاه لعبـة عميـا
يذكر به الهامـور للمبتـدي صـاد=الظالـم اللـي يأكـل اللحـم نـيـا
الناس مطلوبة مـن المـال الأزواد=والـمـال راح ولابقـالـه بقـيـا
المسعد اللي منزلـه وسـط الانفـاد=وبيت الشعر ضله عن الشمس فيـا
وإلا نزل في وسط فسيـح الاجـلاد=ورد علـى عـدٍ جوانـبـه طـيـا
ياما ينوض البرق مع صوت رعـاد=وتهـب بالرحمـة هبـوب السقيـا
ويرحل ومنزاله على كيف مـا راد=بأرض خلا ما بـه للأنـوار ضيـا
يبعد عن أصوات المدينة والإجهـاد=من القوت في بيتـه كفـاف الكفيـا
ويركب ذلولٍ فوقه الخـرج وشـداد=ألـذ مـن قصـرٍ بـحـي العلـيـا [/poem]





وسلامتكم ،،،،،،


الشاعر سميحان السويدي