الزمن لا صار ضدك وإحتوى درب المصايب

الزمن لا صار ضدك وإحتوى درب المصايب
لا تحاول تنكسرله لا تزيد الطين طينه

للزمن حكمة غريبة تحكم بدرب الصعايب
وياكثر من ضيع الفرصة وهي فرصة ثمينه

عزّ نفسك في زمانك لا تقول الحظ خايب
وسوق عمرك للمعالي وإكسرالنفس الحزينه

والطريق إللي تشوفه يرسم للدنيا عجايب
مد يدك في طريقه لين ما تمسك يمينه

والرفيق إن طال وقته لا تحاتي وكل غايب
حجته دايم معاه ولا تقول فلان وينه

ولا تكابر بالمصيبة لا حكوا بأغلى الحبايب
قول غالي وكل غالي تكرم لعينه مدينه

والبلاء وأكبر مصيبة لا تناسوك الحبايب
تصبح الدنيا ظلام وتصبح اللحظة لعينه

وقتها لا عاد ينفع لا عتاب ولا طلايب
والزمن والحظ الأقشر لاتلعنه ولاتلعن سنينه

مما راق لي