ياليل لاتسأل عن اهل التعاليل
في غيرها هذا الزمان اسهرونا ...!
أبل / هبل سحره عقول الرجاجيل
ومن نوكيا وايام عزه .. خذونا ..!
يكفي شعاره عن كثير التفاصيل
يشير بالقضمه .. لغلطة ابونا ..!
هم يزرعون ويقطفون المحاصيل
وحنا على ( ويش الجديد) اتركونا ..!
الليل يقضي بين حدّث / وتحميل
عن سلم جلسات الرجال احرفونا ..!
ماعاد يلزم بالمجالس معاميل
أهمها بالـ WI FI .. اشبكونا ..!
طرنا بعصر التقنيه والتهاويل
وباثنين من خمس الحواس احصرونا ..!
صارت سوالفنا بطرق المراسيل
رغم ٍ على انف احساسنا .. بلدونا ..!
باسم التواصل يقطعون المواصيل
وعلى مقاس عقولنا قسمونا ....!
الواتس ماهو شي وتويتر حليل
الضيم باللي عقبهن غربلونا ...!!
ناس ٍ تجر اصواتها بالمواويل
وناس بترويج السماجه بلونا ..!!
برلنقو الدجه وكيك المهابيل
اظهر خبال عيالنا وافضحونا ..!!
أبل / هبل سحره عقول الرجاجيل
العرض الشجري