هذه القصيده كتبها ابن محيسن في حفل تكريم عوده الحامدي ,اللذي تنازل عن المسعودي ,وتم رفضها من قبل اللجنة المنظمه للحفل !!!
عمران ورث الطيب من عهد جده
والساس جيد والعماره بناها
واما الحويطي حايط زاد مده
وقت المغازي كل ديره غزاها
والجار له واجب وحسن الموده
والعفو صابون القلوب وجلاها
والبيرق الابيض لعوده نشده
فوق الجبال الراسيه في شفاها
والرجل لنه مات محدٍ يرده
في جنة الفردوس يسكن حماها
والصبر من رب البشر مستمده
سنة نبي الله لقومه قضاها
واقول يامسلم بناخيك رده
اللي عيون امه تزايد بكاها
ياابن عطيه واصل الحبل مده
ويعيضك اللي معتلي في سماها
بجاه من وصلو لحفل الموده
حفل الرجال اللي طويله خطاها
والشر ضد الخير والخير ضده
من خلقة الدنيا الى منتهاها
وادم عدو ابليس وابليس حده
جند جنوده ع الشعوب ابتلاها
وهاذي مساعيد السعد مستعده
اهل البيوت اللي يذري ذراها
حي الشيوخ اللي ثقلها تشده
اللي تقدم ربعها في عطاها
وعيال محسن في السنين الملده
للضيف والجيران يكفي قراها
وحي ذوي فرحان هم والبحيرات
زمل الحمول اللي تدبل عراها
وحي ذوي الجغام هم والدهينات
وذوي اللبيدي يطفي النار ماها
وهذاك ابو حجاج هو النصيرات
صقور فزعتها تجمل لحاها
وتقبلو مني جميع التحيات
الضيف واهل الدرا واللي حذاها
وابن محيسن قال له جملة ابيات
واهل المعرفه يعرفو مستواها
والمعذره يااهل الوفاء والمعزات
عن زودها وعن نقصها وعن خطاها
وهذا رد ابن محيسن على قرار اللجنة برفض القصيدة الاولى ,,,يطلب فيها الحق من رئيس اللجنة
ياالشيخ ياحمدان ياللي اسمك الجنك
ياريس اللجنة وراعي الشهادة
متى درست الشعر يالشيخ لاهنت
وانته في التعليم قسم العباده
موهوب قلت الشعر من قبل ماكنت
وانته صغير وللحبيبه قلاده
لاحطتك في الارض صحت وبكيت انت
ترضع حليب وتركدك في الحماده
الشعر فن وذوق يصعب عليك انت
هاجوس يقلق صاحبه عن رقاده
ابوي فارس وانعرف وين ماكنت
وخالي شيخ وله مكانه وعاده
ابن هليل عاهد وبايع الملك
زعيم ربعه قدحته من زناده
ماني بمتطفل وانا ماتطفلت
واحنا اصحاب العفو واهل القياده
من طيبة الطيب مشيت وتحملت
من فوق موتر زايد في عناده
اشرفَ الحفله لاكن ماتشرفت
صارت رحايمنا علينا قراده
لو كان شعري مايجمل تحملت
ومن قدم الهين يحطه وساده
حقي على الشيخان مهو عليك انت
رفضك قصيدي عندكو قل راده
وابن محيسن يطلب الحق منك انت
في بيت ابن سلام مبغى زياده
في بيت ابن سلام مبغى زياده
العرض الشجري