وقــتــنــا وقــت الــثــعــالــي

وقــتــنــا وقــت الــثــعــالــي

[poem=font=",6,royalblue,bold,normal" bkcolor="transparent" bkimage="" border="double,4," type=1 line=0 align=center use=ex num="0,black""]
وقت ياللي تاهبك من لارضى فيك وتصبّر=والحظيظ اللي يعيشك يازمان اليوم أبله
كم طلبنا وكم رجينا لكن الحرمان امهر=كاتبه ربي وحنا بالرجا نشكر لفضله
وقتنا يسرق زمان العمر واللي فات يقهر=والعفيف اليوم ضاقت عن منال الصيت سُبله
بالعصور اللي توارت رمحٍ ومسلولٍ ابتر=يحفظ التاريخ سيرة من يكود الباع حبله
يازعامه باقتدار او بالظفر والجاه تُذكر=او كريمٍ مثل حاتم بالكرم مامثل بذله
او طريحٍ للغرام ومن غدا من قيس اشهر=عاشقٍ بحر الهوى اللي تاه به ماينقربله
شهرة الزير المهلهل وايضا بن شداد عنتر=ذاك في حرب البسوس وعنتره في عشق عبله
وقتنا هذا يسود ومن بغا يسوده تبعثر=وقتنا هذا تعدى اخذت الرّجال وابله
لابقى بهالوقت ذيب ولابقى فيها غضنفر=كم عوى السرحان جوع ولايعشّي الليث شبله
وقتنا وقت الثعالي مابها هيبه ومنظر=بس ماشت هالزمان ولحن مزماره وطبله
وش نقول اوش نعيد ونعترض ولّا نتذمر=كل شيٍ باختلاف وقلبي والله مارغبله
وحيلتي لاجار وقتي قولتي الله واكبر=ينصر المظلوم دايم والنبيل بطيب نبله
اسأله تقواه دايم بالحشا تبقى وتكبر=لين تعصمني ويصبح اصغر الذنب احتسبله
من ورى دنياه يلهث غايته فيها يعمّر=خاسرٍ من جاه مالٍ ماتجي تقواه قبله
ومن جمع ثنتينهم ماطاع شيطان وتجبر=ماتبع دنياه يدري انها بالفقر حُبله
وكان جمع اثنينهم عني تعّذّر قيل اختر=خيرتي تقوى وصلاه ونفسٍ من الله وجله[/poem]

الــشــاعــر
حــســيــن أبــوتــايــه