مرثية فى العقيد / محمد سمران الحويطى

مرثية ابنت العم فى ابن عمها العقيد بحرى محمد سمران الجوهرى الحويطى يرحمه اللة الذي توفاه الله عام1425

[poem=font="Simplified Arabic*5*black*bold*normal" bkcolor="transparent" bkimage="" border="none*4*gray" type=1 line=0 align=center use=ex num="0*black"]
يا نجد وين احبابك الي يسلون =هم شرق ولاصوب ذيك النفودي
يا نجد بنشد بأي حي يقيمون؟ =هم غرب ولاخارجين الحدودي
يانجد وين الي بربيعك يسجون =وين الحشيم الي عليكم يرودي
قالت تحت ارضي تراهم يسئلون =كاس على كل البشر يحودي
جريت عالي الصوت لالا تقولون =وصدقت يوم شفت ذيك الحشودي
ياحمود قالوا لي يجي يوم تنسون =لا والذي جمع هذيك الوفودي
انا على محمد جريح ومحزون =والعين عافت نومها والرقودي
وأخوانك الي عنك ماظن يسلون =ماضنتي ينسون ذيك الوعودي
والوالدة والعود برضاك يحكون =تشكر وتحمد في قيام وسجودي
وأبومهند لو تشوفوه موزون= متحطم والفكر منه شرودي
يالايمِ في حالته لاتلومون =بيديه شاله وأودعه باللحودي
واشوف أبومشعل وعيد يتلون =ويبكوا بدمع مثل وبل الرعودي
وبناتك الي دايم الدوم يثنون =نعم الأبو الي بعطفه يجودي
أما الحليله قلبها اليوم مطعون =وهمومها صارت عليها تزودي
حتى الصغار ألي عليهم تحنون =متعشمين إنك عليهم تعودي
يانورة ادري فيك واحس بشجون =كنك سجين مكبل بالقيودي
وادري بخفايا قلب بالود مشطون =واحس في لوعات صدرك وقودي
أدري بكم مثلي من الحزن تشكون =واسمع بونات عميقة تسودي
ماصار منه زله كود تدرون =ولا كدرالخاطر ولاهو حقودي
حمواني الي لجمعتهم تسرون =مضرب مثل للحاظرة والجدودي
إدعوا له الغفران وانتم تصلون =وفي جنة الفردوس قصر يشودي
ياسامع عن ماكتبتة تعذرون =هول المنايا زلزلتني وجودي
امر الذي لاقال للكون بيكون =وصلوا على المختار زين العبودي[/poem]